Inflatioun DP schléisst Upassung vu Steiertabell weider aus
Den DP-Fraktiounschef Gilles Baum seet, datt d'DP weider wëllt op Steierkreditter setze fir d'Kafkraaft vun de Leit ze stäerken. Hie schléisst awer weider aus, datt de Steier-Barème an der aktueller Situatioun un d'Inflatioun ugepasst gëtt - de Staat kéint sech dës Mesure aktuell net erlaben.
D'Upassung vum Steier-Barème un d'Inflatioun géif de Staat eng 600 Milliounen Euro d'Joer kaschten, an dat kéint de Staat sech am Moment net erlaben, seet den DP-Fraktiounschef.
De Gilles Baum ka sech awer virstellen, datt weider op Steierkreditter gesat gëtt fir d'Kafkraaft vun de Leit ze stäerken. De Crédit d'impôt, deen am Fréijoer an der Tripartite decidéiert gouf wär "e richtegt Mëttel" fir de Leit ënner d'Äerm ze gräifen.
An deem Kontext seet den DP-Fraktiounschef hie kéint sech virstellen dee Steierkredit am Hierscht nach eng Kéier unzepassen, wann dann eng weider Indextranche géif erfalen. Am Moment wier et awer nach ze fréi fir hei genee Zuelen ze nennen, esou de Gilles Baum.
An der Mediathéik:
LauschterenMéi zum Thema
Inflatioun méi héich wéi erwaart, Index am Wanter fälleg
De Berechnunge vum Statec no kéint ab Oktober dëst Joer eng weider Indextranche falen. Wat soen d'Vertrieder vun de Gewerkschaften an Industrien dozou?
Franz Fayot wëll den Diskussiounen net virgräifen
Wéinst der héijer Inflatioun déi dem Statec no dëst Joer bei 6.6 Prozent kéint leien, kéint eng weider Indextranche am leschten Trimester dëst Joer erfalen. Wat seet de Wirtschaftsminister dozou?
