Zoustand vun de Bëscher Dréchent: Doudeg Beem maachen de Fierschter vill Aarbecht
Déi héich Temperature suergen dofir, datt eng ganz Rei Beem an de Bëscher ofstierwen. D'Cheffin vun der Bëschverwaltung seet, dat wier mat héijem Opwand fir d'Fierschter verbonnen, well si musse reegelméisseg kucke wéi et de Beem geet a wou se mussen intervenéieren.
Wa Beem ofstierwen, da misste se deels séier geschnidde gi fir ze verhënneren, datt grouss Äscht ofbriechen, an dann op Passante falen, esou d'Martine Neuberg.
Wann déi betraffe Beem matzen an engem Bestand stinn, géif ee fir d'éischt ofschätzen, ob se kéinte fir Bëschaarbechter geféierlech ginn. "A wann dat net de Fall ass, da bleiwen déi stoen, da ginn déi zu Todholz."
Am Moment hätt een nach genuch Personal fir déi Aarbechten duerchzeféieren, et géif een d'Situatioun weider am Bléck behalen a reagéieren, wann dat de Fall misst sinn, sou d'Martine Neuberg, Cheffin vun der Bëschverwaltung.
An der Mediathéik:
LauschterenMéi zum Thema
Bëscher hu mat Dréchent ze kämpfen
D'Dréchent mécht de Mëllechbaueren ze schafen
Elo scho misst hie sengen Déiere Fudder ginn, well d'Gras op de Wisen net duergeet, sou de Charel Wildgen, deen zu Fenneng 80 Mëllechkéi huet. Mee net all Betrib wier d'selwecht vun der Dréchent betraff.
