Radioen

On air

De Weekend  |  D’Wuert vun der Woch ass "traureg“

play_arrow Live
arrow_back_ios

100komma7.lu

100komma7.lu

/ Fapsylux iwwerrascht iwwer Echec vu Verhandlunge mat CNS

Prise en charge vu Psychotherapien

Fapsylux iwwerrascht iwwer Echec vu Verhandlunge mat CNS

En Dënschdeg hat d'Gesondheetskeess matgedeelt, datt d'Verhandlungen iwwer eng prise en charge vun de Psychotherapië geplatzt wären. Hei geet et ënner anerem iwwer d'Tariffer fir Psychotherapeuten - eng neutral Instanz soll elo tranchéieren.

auto_stories

1 min

D'Catherine Richard ass d'Presidentin vun der Fapsylux.

No dem Echec soll elo eng neutral Instanz tranchéieren, an ënner anerem och en Tarif fixéieren.

Do leien d'Virstellunge vu Fapsylux a CNS wäit auserneen: d'Psychotherapeute froen 175 Euro, d'CNS proposéiert der 120.

Kee Konsens iwwer Tariffer

D'CNS hält dësen Tarif fir iwwerdriwwen a seet, aner änlech Gesondheetsberuffer géife fir hir Prestatioune manner kréien.

Dozou seet d'Catherine Richard, dat wier net onbedéngt nozevollzéien, well een einfach anescht géif schaffe wéi aner Prestatairen an esou net kéint verglach ginn:

"Mir hunn deen Tarif och opgrond vun Daten ausgerechent ... datt et op en Equivalent kënnt vun engem, deen an enger Institutioun schafft."

Wann de fixéierten Tarif Um Enn ze niddereg ausfale géif, kéint et gutt sinn, datt vill Psychotherapeuten op den Titel an de Remboursement verzichten, an zu de selwechte Konditioune weider schaffe wéi bis elo, esou nach d'Catherine Richard.