Energie Enovos: Gasversuergung fir dëse Wanter geséchert
Wann d'Regierung d'Stroum- a Gaspräisser op der Säit vum Konsument net agefruer hätt, misst ee Stot mat dräi Awunner, wesentlech méi fir Gas a Stroum bezuelen. Fir ee Stot wieren dat am Joer zesummegerechent ronn 3.600 Euro méi ewéi ouni staatlech Bäihëllefen, seet de Generaldirekter vun Enovos, Erik von Scholz.
Fir dëse Wanter wieren d'Gasreserve gutt gefëllt. Allerdéngs géif et fir nächste Wanter Schwieregkeete ginn, well kee Gas méi aus Russland kënnt. Wéinst russesche Liwwerungen déi feelen an Onsécherheet beim Gasverbrauch an Asien an och wéinst de Wiederkonditioune kéinten d'Gasreserven zum Schluss vum Wanter eidel sinn. "An da gëtt et méi schwiereg fir déi Gasspäicher bis November nächst Joer nees ze fëllen", sou den Erik von Scholz.
Et wier deemno nach ze fréi fir eng Entwarnung an Hisiicht vum nächste Wanter erauszeginn.
Och d'Klimakris kéint een zum Deel an de Grëff kréien, wann een Energie spuert an déi erneierbar Energien ausbaut, sou den Erik von Scholz.
An der Mediathéik:
LauschterenMéi zum Thema
Keng gënschteg Besteierung fir Investissementer a Gas- oder Atomenergie
D'Regierung huet eng Ännerung um Budgetsprojet fir d'nächst Joer nogereecht. Doduerch wäerten Investissementer an Atomstroum an a Gas net steierlech begënschtegt ginn, wat géint d'EU-Taxonomie geet.
Gas-Präisdeckel: EU-Kommissioun steet ënner Drock
Bis Enn November wëllen d'Energieministeren ee Pak vu Noutfallmesurë géint d'Hausse vun de Präisser adoptéieren. Virdru muss awer d'EU-Kommissioun legislativ Propose presentéieren. Déi loossen op sech waarden.
