Livestream D'LSAP-Presidentin ka sech eng Neioplo vu Blo-Rout-Gréng virstellen
D'LSAP-Parteipresidentin seet an de nächste Méint géif sech weisen, ob LSAP, DP an déi gréng nach e gemeinsamen Zukunftsprojet hunn. Wann déi dräi Parteie sech virun de Walen an decisive Froen eens ginn, da kéint si sech virstelle mat der selwechter Koalitioun virun ze regéieren, esou d'Francine Closener.
Dat géif awer net onbedéngt heeschen, datt déi dräi Regierungsparteie sech am Walkampf dann aktiv dofir ausschwätze mat hirer Dräier-Koalitioun virun ze fueren, esou d'Francine Closener. Wann een an der Steierfro allerdéngs kee Kompromëss fënnt, da wier et ganz schwéier sech nach eng Kéier iwwer e gemeinsame Projet eens ze ginn, betount d'LSAP-Presidentin.
F. Closener: D'Regierung ass elo gefuerdert
D'LSAP wëllt sech an der Diskussioun ëm Steiererliichterungen net mat zäitlech begrenzte Steierkreditter zefridde ginn. D'Parteipresidentin Francine Closener huet de Moien hei op der Antenn betount, mat all Indextranche, géif d'Steierlaascht fir d'Leit weider klammen - an dofir wier et elo un der Zäit d'Stéit nohalteg ze entlaaschten.
D'LSAP kéint sech eng Kombinatioun aus zäitlech begrenzten an aus strukturelle Mesurë virstellen. D'Regierung wier elo gefuedert fir innovativ Modeller ze fannen.
An der Mediathéik:
LauschterenMéi zum Thema
OGBL: D'Regierung wéilt Walkaddoe verdeelen
De Budgetsdefizit, deen 2022 ronn 500 Milliounen manner grouss ass wéi erwaart, géif dat confirméieren, wat den OGBL ëmmer gesot hätt: De Steiersystem ass net gerecht a belaascht d'Leit onnéideg.
Wat ass nach vu blo-rout-gréng ze erwaarden?
Wéi eng Steiererliichterunge kommen nach virun de Walen? De Gilles Baum wollt sech net dozou festleeën. D'Josée Lorsché plädéiert fir ee Steierkredit, den Yves Cruchten weist sech zouversiichtlech.
Kommentar
Et wäert kee langweilege Walkampf ginn
Fir d'Chamberwale si bei de grousse Parteien esou lues d'Spëtzekandidat:inne bekannt. D'Pläng vun der LSAP a vun der CSV sinn net ouni Risiko, mengt de Jean-Claude Franck.
Aarbechtszäiten: D'Paulette Lenert wëllt sech nach net festleeën
D'Paulette Lenert wëllt sech nach net festleeën, ob hir Partei am Walkampf fir eng allgemeng Reduktioun vun der Aarbechtszäit wäert antrieden. "Waart op eise Walprogramm", esou déi designéiert LSAP-Spëtzekandidatin.
