Tempolimitt op de Landstroossen 80 km/h och zu Lëtzebuerg?

A villen europäesche Länner ass d'Vitesse op de bidirektionale Landstroossen op 80 Kilometer an der Stonn begrenzt. D'Sécurité Routière fuerdert scho méi laang sou eng Limitatioun fir Lëtzebuerg, sou de Paul Hammelmann.

Gilles Wunsch / cz

80 Stonnekilometer
Foto: Bigstock / vbacarin

Am Verwaltungsrot vun der Sécurité Routière géif dës Iddi scho méi laang diskutéiert ginn. Et géing ee sech un anere Länner inspiréieren, déi eng besser Statistik hu wéi Lëtzebuerg. Länner wéi Holland, Dänemark an Norwegen hunn aktuell schonn eng Limitt vun 80 Kilometer an der Stonn op de Landstroossen. An dëse Länner géif et manner dacks zu schlëmmen Accidenter kommen. Lëtzebuerg géing nach ëmmer zu de schlechte Schüler an Europa gehéieren, wat d'Verkéierssécherheet ugeet. D'Erofsetze vun der Vitesslimitatioun op de Landstroosse kéint een Zeechen setzen an hëllefen, fir den Taux vun de schwéier Blesséierten an den Doudegen no ënnen ze drécken, sou de Paul Hammelmann.

Keng nei Schëlter

Op de bidirektionale Stroossen, wou et keng Oftrennung an der Mëtt vun der Strooss géif ginn, sollt ee vun engem gewëssen Datum u net méi 90, mä 80 Kilometer an der Stonn fueren dierfen. Dofir bräicht een och keng nei Schëlter opzestellen. Op verschiddene Plazen, wou aner Vitesse méiglech sinn, ouni aner Leit a Gefor ze bréngen, kéinten och Exceptioune gemaach ginn. D'Propos vun der Sécurité Routière wier mat wéineg Opwand ze realiséieren, mengt de Paul Hammelmann.

Nei Mesuren néideg

D'Mesure vun de Radaren hätt scho gehollef, mengt de Paul Hammelmann. D'Fransousen hätten déi nei Mesure geholl, well d'Zuel vu schwéiere Verkéiersaccidenter a Frankräich nees an d'Luucht gaange wier. Dat wier och zu Lëtzebuerg de Fall. D'Radare géinge sech lues a lues abiergeren, mä mat der Zäit missten nei Mesurë geholl ginn, fir d'Sécherheet op der Strooss weider ze garantéieren. D'Mesure géif och gutt bei de Frontalieren a beim Transitverkéier gutt ukommen, mengt de Paul Hammelmann.

Eng Vitesslimitatioun vun 80 Kilometer an der Stonn op Lëtzebuergesche Landstroosse kéint ëmgesat ginn, den néidege politesche Courage a gesonde Mënscheverstand virausgesat. Hie mengt awer net, datt d'Mesure nach virun de Chamberwahlen am Oktober ëmgesat géif ginn, sou de Paul Hammelmann.

An der Mediathéik:

Aktuelles / /
Lauschteren

Méi zum Thema

Traffic Jam
Verkéier

Mam ville Stau op de Stroossen hunn och Schüler all Dag ze kämpfen. Si brauche mam ëffentlechen Transport ëmmer méi laang bis an d'Schoul. Eng Iddi ass et, d'Schoul um néng Auer unzefänken.

Stau
Réckbléck op d'Verkéierssituatioun 2017

D'Stauen um Lëtzebuerger Stroossereseau haten dëst Joer Rekordausmoossen. Wéi eng Virstéiss gouf et dëst Joer, fir den Autotrafic méi sécher ze maachen a wéi eng Mesurë si fir d'Zukunft geplangt?

Stau
Verkéier

Ponts et Chaussées analyséiere momentan, ob déi maximal erlaabte Vitesse um Autobunnsreseau während de Spëtzestonne limitéiert soll ginn. D'Zil ass méi Sécherheet a manner Stau.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen