Sozial Gerechtegkeet Aarbecht schützt net virun Aarmut

D'Schéier tëscht Aarm a Räich geet auserneen. Aarbecht schützt net virun Aarmut, do sinn sech Caritas a Salariatskummer eens. D'Hausse vun der Aarmut huet domadder ze dinn, datt d'Ongläichheeten um Niveau vum Revenu zougeholl hunn, esou de President vun der Salariatskummer Jean-Claude Reding.

Mick Entringer / cbi

Robert Urbé, Jean-Claude Reding
De President vun der Caritas Robert Urbé, an de President vun der Salariatskummer Jean-Claude Reding

Déi ënnescht Salaire wiere ganz lues gewuess, déi héich vill méi séier. De President vun der Salariatskummer, de Jean-Claude Reding weist drop hin, datt et nach méi schlëmm wier, wann een och d'Revenue vum Patrimoine géif kucken, wou et eng reegelrecht Explosioun vun den Ongläichheete géif ginn. Dëst géif bedeiten, datt d'Friichte vum ekonomesche Wuesstem ongläich verdeelt wieren.

De Robert Urbé vun der Caritas deelt déi Analys an ergänzt, datt d'Lounquot iwwert d'Joren erof gaange wär, dat ass deen Deel deen un d'Leit geet déi schaffen. Doriwwer eraus wier d'Medianakommes, vun deem all Joer de "Seuil de risque de pauvreté" gerechent gëtt, déi éischte Kéier zréck gaangen. An zwar op e Niveau vu viru bal zwee Joer. "An dat heescht ebe genau, datt et och déi Leit déi an der Mëtt vun der Akommesskala sinn, et déi och elo trefft - an net nëmmen déi Schwaach", ergänzt de Robert Urbé.

Versprieche sollen ëmgesat ginn

Eng Rei vu Sozialleeschtunge wieren ënnert dëser Regierung zeréckgefuer ginn, anerer hätte misste gehéicht ginn; dat wier awer net geschitt. Den RMG misst gehéicht ginn, de Complement zum RMG och. Dem Jean-Claude Reding no wier et elo nach un den Deputéierten, fir deene Fuerderunge bei der Reform vum RMG Rechnung ze droen. Dernieft misst d'Kannergeld erëm indexéiert an un déi allgemeng Lounentwécklung ugepasst ginn. Den CSL-President fuerdert, datt d'Versprieche vun 2014 ëmgesat solle ginn.

Dernieft sinn d'Salariatskummer an d'Caritas fir Deckelung vun de Loyer, den Terrain- an Immobiliëpräisser.


D'Mick Entringer am Panorama de 24. Abrëll um 12 Auer:

Lauschteren

An der Mediathéik:

Invité vum Dag / /
Lauschteren

Méi zum Thema

Corinne Cahen
Chamberwahlen 2018

D'Reform vum RMG géif Monoparentallen a Kanner an de Mëttelpunkt stellen, seet d'DP-Presidentin Corinne Cahen. Et misst een "iwwer de ganze Steiersystem" kucken, a Kanner och do an de Mëttelpunkt stellen.

Patrick Dury
Garantéierte Mindestloun

Den LCGB-President Patrick Dury formuléiert keng prinzipiell Kritik um Projet vun der Regierung, mä fuerdert Präzisiounen. Notamment zur zukünfteger Roll vun de Beschäftegungsinitiativen.

Programm

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen