Sozialdialog Gëtt d'Aarbechtszäit verkierzt?

Den LSAP-Wirtschaftsminister a Vize-Premier Etienne Schneider seet, hie wéilt iwwer d'40-Stonne-Woch diskutéieren. D'Unioun vun den Entreprisen wëll um Modell festhalen. OGBL an LCGB wëlle sech nach net äusseren.

Pierre Reyland / po

Aarbechtszait
(Foto: © picture-alliance / beyond/Georgie Clarke)

De Wirtschaftsminister Etienne Schneider huet den 11. Januar op der Neioersreceptioun vun der LSAP ugedeit, datt an nächster Zäit méi konkret iwwert nei Aarbechtszäitmodeller géif diskutéiert ginn. Et misst een ënner anerem doriwwer nodenken, ob weider misst un der 40-Stonne-Woch festgehal ginn, oder net.

"Laut OECD ass Lëtzebuerg dat produktiivst Land an der OECD. A mir wëllen, dass wa mir an dee Prozess ginn an eis nach méi digitaliséieren a mir nach méi produktiv ginn, dass dee Méi u Produktivitéit net just bei de Patronen ukënnt, mee e muss och bei den Arbeitnehmer ukommen. Sief et, dass ee muss Paie revaloriséieren. Sief et, dass ee muss iwwer Aarbechtszäiten nodenken - ob mer weider op der 40-Stonne-Woch musse bleiwen oder net. Ech mengen, de Claude Haagen huet eng Ouverture an deem Sënn gemaach, wéi en am Kader vum Budget säi Rapport presentéiert huet. Dowéinst mengen ech, dass dat 2017 eng Rei flott an interessant Diskussioune wäerte ginn - souwuel mat de Gewerkschaften ewéi och mat de Patronen."

Etienne Schneider

D’Patronat ass net bereet, der Regierung bei neien Diskussiounen iwwert d'Aarbechtszäit entgéint ze kommen: Sou reagéiert de Jean-Jacques Rommes, Generaldirekter vun der Unioun vun den Entreprisen (UEL). De Jean-Jacques Rommes seet, d'Regierung hätt bei den Diskussiounen iwwert Aarbechtszäiten all Kredibilitéit verluer. Si kéint sech deemno net erwaarden, dass d'UEL hir do entgéint géif kommen.

"Ech gesi wierklech net iwwer wat do mat eis soll geschwat ginn a wou dat geréngst Entgéintkomme vun eis kann erwaart ginn. Ech gesinn och, firwat datt ee sollt d'40-Stonne-Woch verkierzen a wou do kéint d'Plus-value sinn an dësem Abléck. Dat halen ech souwisou net fir eng gutt Diskussioun. Mee et misst een d'Diskussioun féieren an enger Gesamtdiskussioun doriwwer wéi d'Aarbechtszäiten kéinten ausgesinn an enger digitaliséiert Welt. Mee ech hätt léiwer den Här Schneider géif sech do un der Silicon Valley inspiréieren, wou e jo oft ass, anstatt hei dem OGBL seng Iddien wëllen de Lëtzebuerger Entreprisen iwwer ze stülpen."

Jean-Jacques Rommes

D'Gewerkschaften OGBL an LCGB wollte sech op Nofro hinn nach net zu den Aussoe vum Etienne Schneider äusseren.

Méi zum Thema

Marc Baum
Reform PAN-Gesetz

Trotz Kompensatioune riskéiert eng méi flexibel Aarbechtszäit-Organisatioun, sou wéi d'Regierung se virgesäit, en défaveur vun de Salariéen auszefalen, warnt den Deputéierte vun Déi Lénk Marc Baum.

Thelen & Tremuth
Digital Zukunft

Wéi kann d'Wirtschaft méi nohalteg ginn? D'Etude vum Ekonomist Jeremy Rifkin zu dësem Thema ass fäerdeg, esou de Carlo Thelen. Den Norbert Tremuth bedauert, datt d'Chambre des Salariés net mat agebonne gouf.

Henckes Schmit Reding.JPG
Aarbechtsrecht

D'Regierung wëll een "digitaalt Lëtzebuerg" an eng "drëtt industriell Revolutioun". Mee iwwer déi sozial Komponent vun der neier Economie gëtt nach net verhandelt. Dat soll sech elo änneren.

Patrick Dury-2.JPG
Patrick Dury

Als Kompensatioun fir méi laang Referenzperioden, solle Salariéen net just méi Congé kënne kréien, mee eventuell méi Pei, seet de President vum LCGB, de Patrick Dury.

20150618-nicolas-schmit--1024x629.jpg
Sträit ëm Aarbechtszäit

"D'Propose fir eng Reform vum PAN-Gesetz ass esou gutt ewéi prett", sot eis den Aarbechtsminister op Nofro hinn. Den Nicolas Schmit gesäit Patronat a Gewerkschaften de Méindeg 21. Mäerz fir iwwert den Text ze verhandelen.

Net verpassen

Programm

Dossieren

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen