Zejoert Acceleréiert Hausse vun de Logementspräisser

Déi acceleréiert Hausse vun de Logementspräisser wier virop op eng grouss Demande um Locatiounsmarché a vun neie Logementer zeréck ze féieren. Dat seet de Julien Licheron vum Observatoire de l'habitat.

Maxi Pesch

Wunnhaiser
Foto: picture alliance/dpa

De Statec an den Observatoire de l'habitat hate matgedeelt, datt d'Logementspräisser zu Lëtzebuerg am véierten Trimester zejoert ëm 16,7 Prozent geklomme sinn.

Net just Spekulatioun

D'Präisser fir bestoend Haiser wieren esou guer ëm bal 20 Prozent geklommen heescht et an der Nott. De Metercarréspräiss fir en Appartement am Kanton Lëtzebuerg géif elo an der Moyenne bei iwwer 10.500 Euro leien, am Zentrum souguer bei 12.000, esou de Julien Licheron.

Dës Acceleratioun an de Präisser wier dem Expert no net just op spekulativ Mouvementer zeréckzeféieren. mee virun allem op eng grouss Demande u Logementer. Lëtzebuerger, awer och Leit, déi nei op Lëtzebuerg kommen.

Deblocage vun Terrainen essentiell

Eng grouss Demande géif et och vu Säite vun de Locatiounsinvestisseuren, dat op engem Marché deen ëmmer méi interessant géif ginn am Verglach mat anere Rendementen, wéi d'Bürosimmobilien.

De Statec gesäit bis 2030 e Besoin vu 6.000 bis 8.000 nei Logementer pro Joer. Den Ament géifen der awer just 4.000 bis 5.000 pro Joer op de Marché kommen. Dem Julien Licheron no misst méi séier a méi gebaut ginn.

Déi liicht Reduktioun vun de steierlechen Avantagë fir Immobilieninvestisseuren, déi d'Regierung rezent decidéiert huet, wäert dann och net zu engem Broch um Investissementsmarché féieren, mengt den Expert vum Observatoire de l'habitat. De Rendement géif weiderhin interessant bleiwen.

Dem Julien Licheron no wier et schlussendlech schwéier virauszesoen, wéi d'Präisser um Logementsmarché wäerten evoluéieren. Entscheedende Faktor do wier den Impakt vun der ekonomescher Kris, déi duerch d'sanitär Kris entsteet, op de Logementsmarché hei am Land an an den Nopeschlänner.

Méi zum Thema

Henri Kox Riicht Eraus
Logementspolitik

De Logementsminister Henri Kox wëll dofir suergen, datt d'ëffentlech Hand méi abordabel Wunnenge kann zur Verfügung stellen. Steierlech Avantagë fir privat Immobilieninvestisseure solle reduzéiert ginn.

Kongress déi Gréng
Parteikongress vun de Gréngen

Beim digitale Kongress vun deene Grénge goufen de Samschdeg d'Djuna Bernard an de Meris Sehovic fir eng weider Amtszäit vun dräi Joer bis no de nächste Wahlen als Co-Presidente vun der Partei erëm gewielt.

Net verpassen

  • Offre d'emploi: Journaliste-présentateur/trice

    radio 100,7

    L'Établissement de Radiodiffusion Socioculturelle, opérateur de la radio de service public radio 100,7, recherche Un/e Journaliste-présentateur/trice sous contrat à durée indéterminée et à tâche complète (40h/semaine).

Programm

  • Virum Dag vu 6 bis 10

  • On air

    Sot emol vun 10 bis 11

  • Iwwer Mëtteg vun 11 bis 2

  • Resonanzen

  • Am Nomëtteg vun 3 bis 6

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen