ADR Neijooschpatt D'ADR wënscht sech e Wiessel un der Spëtzt vum Land
D'ADR wënscht sech e Wiessel un der Spëtzt vum Land. Kee Gambia 3 méi huet et gëschter um Neijooschpatt vun der zweetgréisster Oppositiounspartei geheescht, wou et vill Kritik un der Blo-Rout-Grénger Regierung gouf. Déi aktuell Regierung géif onkontrolléierbare Wuesstem bedreiwen, d'Natur zoubetonéieren oder nach d'Gesellschaft individualiséieren, esou d'Kritik vum Parteipresident Fred Keup gëschter Owend um Cents.
D'ADR wéilt e bessert Lëtzebuerg a wier och bereet Responsabilitéit ze iwwerhuelen.
Et géif een als Partei senger Linn trei bleiwen a fir Wäerter wéi zum Beispill Buedemstännegkeet astoen.
"Et wäerte falsch Saache behaapt ginn. Et wäert probéiert ginn eis ze diffaméieren. Et wäerten der erëm do sinn, déi eis rietsextrem nennen. Mir bleiwen eiser Linn trei. Well mir droen eis Politik an eisen Häerzer. Mir bleiwen zouversiichtlech a fueren eise Wee weider."
Méi zum Thema
Marceline Georgen: "Dräi Parteie sinn u mir interesséiert"
Déi fréier ADR-Vertriederin ass nees zeréck am Stater Gemengerot, dat als onofhängeg Kandidatin. D'Marceline Georgen huet awer nach net decidéiert, ob si nach eng Kéier mat an d'Gemengewale geet.
12 Méint Prisong mat Sursis a 50.000 Euro Geldstrof fir de Roy Reding
Den ADR-Deputéierten ass de Moien an enger Immobilien-Affär vum Bezierksgeriicht zu 12 Méint Prisong mat Sursis an enger Geldstrof vu 50.000 Euro verurteelt ginn. Wat ass den Hannergrond vun dëser Affär?
