Auereprozess Affekot vum Flavio Becca freet Fräisproch

Am sougenannten "Auereprozess" géint de Flavio Becca huet den Affekot Hervé Temime de Moien de Fräisproch vu sengem Client gefrot. De Promoteur a Sportinvestisseur Flavio Becca steet zanter der leschter Woch wéinst dem Virworf vun Ënnerschloe vu Firmeverméigen viru Geriicht an hie riskéiert eng Prisongs- an/oder eng Geldstrof.

Serge Kesseler / cbi

Flavio Becca
De Flavio Becca (lénks) mat sengem Affekot

"Abus de biens sociaux" géif an dëser Affär net existéieren, esou de franséischen Affekot a sengem Plädoyer. Den Hervé Temime huet d'Aarbecht vun der Police Judiciaire kritiséiert an hien huet vun enger "extravaganter Perquisitioun" geschwat. Zum Beispill wier kee präzisen Inventar a keng Expertise vun den Honnerten Auere gemaach ginn.

De Kaf vun all den Aueren hätt an de Joreskonte vun de Gesellschafte gestanen, huet dem Flavio Becca säin zweeten Affekot Arsène Kronshagen plaidéiert. Et wier also falsch ze soen, datt de Promoteur sech op Käschte vu sengen Entreprisë perséinlech hätt wëlle beräicheren.

D'Suite vun dësem Prozess ass e Mëttwoch de Mëtteg.

Méi zum Thema

Geriicht
Prozess géint Promoteur

De Flavio Becca seet d'Luxusaueren, déi hien iwwer seng Firma kaaft huet, wieren als Investissement geduecht. Hien huet zouginn, datt et e Feeler war, keng Trennung tëscht berufflechem a private Besëtz ze maachen.

De Prozess géint de Flavio Becca virun der 12. Chambre correctionelle 2
Prozess géint Flavio Becca

Iwwer d'Gesellschafte vum Grupp Becca goufen net nëmmen 842 Luxusauere kaaft, mee op d'mannst 879, grad wéi aner Luxusartikelen. Dat sot den Enquêteur vun der Kriminalpolice haut um Prozess géint de Flavio Becca.

set of six jewelry watches on red silk
Flavio Becca

No engem Verhéier mam Untersuchungsriichter, geet den Affekot vum Flavio Becca, den André Lutgen dovunner aus, datt et kee Prozess wäert ginn.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen