Sozialwahlen 2019 ALEBA: Debakel konnt verhënnert ginn

D'ALEBA huet bei den Delegatiounswahlen dem aktuelle Stand vun de Resultater no 253 effektiv Delegéierter kritt. Deemno kënnt d'Gewerkschaft vun de Beschäftegte vun de Banken an Assurancen op knapp 29 Prozent vum Total vun den Delegéierten am Finanzsecteur. ALEBA-Kandidate gouf et an 116 Entreprisen.

Serge Kesseler / cbi

Laurent Mertz
Den ALEBA-Generalsekretär weist sech zefridden iwwer d'Wahlresultat vu senger Gewerkschaft. Foto: Archiv.

De Generalsekretär Laurent Mertz weist sech zefridden, datt een en Debakel, dee sech verschidde Leit gewënscht hätten, evitéiere konnt. D'ALEBA kéint mat deem Resultat hir Positioun a verschidden Entreprisen halen.

Ganz zefridde weist d'ALEBA sech mat de Resultater bei der Société Générale Bank &Trust, bei der State Street Bank, bei ING a bei der KBL, bei där Bank also, an där de Generalsekretär Laurent Mertz Delegatiouns-President ass.

BIL a BGL: Kee gutt Resultat

D'Erwaardunge goufen awer net iwwerall erreecht, esou ënner anerem bei de grousse Banke BIL a BGL. Bei der BIL hätt d'ALEBA bei den Delegatiounswahle vun 2013 nach eng Majoritéit gehat. Dës Kéier hätt ee just véier vun 12 Sëtz bei der Personaldelegatioun kënne gewannen, well vill Leit sech net méi op der Lëscht vun der ALEBA opgestallt haten, mee als neutral Kandidaten, bedauert de Laurent Mertz.

Den ALEBA-Generalsekretär ass net der Meenung, datt d'Diskussioune ronderëm de fréiere Gewerkschafts-President Roberto Scolati der Gewerkschaft generell geschuet hätten. De Laurent Mertz geet dovun aus, datt nach virum Summer en neie President bei der Gewerkschaft vun de Beschäftegte vun de Banken an Assurancë ka gewielt ginn.


De Laurent Mertz iwwer d'Delegatiounswahlen

Lauschteren

Lauschteren

Méi zum Thema

Manifestatioun-OGBL-LCGB
Sozialwahlen

Bei de Sozialwahle ginn et bis elo Resultater fir 1.985 Betriber - bësse méi wéi d'Hallschent. Um nationale Plang krut den OGBL bis elo 1.260 Personaldelegéierter. Den LCGB kënnt bis elo op 691 Delegéierter.

Adrien Thomas
Sozialwahlen 2019

Kréien d'Gewerkschaften nees méi Afloss an de Betriber? Oder confirméiert sech den Trend vun 2013, wéi eng éischte Kéier méi wéi d'Hallschent vun den Delegéierten net op Gewerkschaftslëschte kandidéiert haten.

D'Salariatskammerwahlen erkläert
Sozialwahlen 2019

526.476 Salariéen a Pensionéierter sinn opgeruff bis den 12. Mäerz déi 60 Vertrieder vun der Salariatskammer per Bréifwahl ze wielen. Wéi lafen déi Wahle genee of?

Delegatiounswahlen
Sozialwahlen 2019

An alle Betriber, an deene 15 oder méi Leit schaffen, ass d'Personal den 12. Mäerz opgeruff seng Delegatioun ze wielen. Wéi lafen déi Wahlen genee of?

Programm

  • Panorama

  • On air

    Jazz Unlimited - Fënnef Dammen op der Bühn

  • Notturno

  • Notturno

  • Virum Dag

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen