Afrika-Missioun An engem libeschen Detentiounscamp

Libyen war e Méindeg d'Destinatioun vum Lëtzebuerger Ausseminister senger Afrikatour. D'Sécherheetsmesure ware ganz héich. Nieft enger Entrevue mam libeschen Ausseminister, gouf e staatlecht Lager fir Flüchtlingen a Migrante besicht.

Mick Entringer (Tripolis) / ys

Detentiounslager Tarek al Matar
Am Detentiounslager Tarek al Matar

Tarek el Matar ass ee vun zwou Dosen offiziellen Detentiounscampe fir sougenannten illegal Migranten a Libyen. Hannert héije Maueren: Fraen a Kanner déi eng Säit, vill méi Männer a Jongen déi aner Säit. E puer Honnert waren an engem Haff opgestallt, fir de Lëtzebuerger Minister a seng Delegatioun. Mir duerfte ronderëm goen a mat de Leit schwätzen.

"Iessen ass e Problem", seet een Här. Heiansdo hätt een Iessen, mä kee Waasser, heiansdo Waasser awer keen Iessen. 200 Mënsche misste sech véier Toiletten deelen. "Ech fille mech wéi e Gefaangenen. Zënter engem Mount sinn ech hei, mä ech konnt nach net mat menger Famill schwätzen. Si wësse mol net, ob ech nach liewen." Et géif keng Medezin ginn, jidderee wier krank. D'Mënsche géife wéi Déiere behandelt ginn. "Je souffre d'une manière que je n'ai jamais souffert."

Flüchtlinge si keng Prioritéit

De Jean Asselborn seet, hie géif déi Aussoen eescht huelen. "Doropshi wou dir mir dat gesot hutt, hunn ech an ärer Presenz d'Fro gestallt de Leit vun der OIM. A si hu gesot, wat si wéissten, wär dat net wouer."

Libyen huet déi international Konventioun vun 1951 iwwert de Statut vun de Flüchtlingen net ënnerschriwwen. Dat wäert an nächster Zukunft och net geschéien. D'Land hätt d'Moyenen net, fir déi Konventioun z'applizéieren, erkläert de Lëtzebuerger Ausseminister no senger Entrevue mat sengem libeschen Homolog.

De Jean Asselborn mam Ausseminister vun der international unerkanntener libescher Regierung, Mohamed Ataher Syala

Libyen huet aner Prioritéiten. "Constitution, élections, reconciliation. Pas dans cet ordre chronologique, mais en même temps", seet de Ghassan Salamé, Spezialbeoptragte vum UNO-Generalsekretär a Libyen.

Raus aus Libyen

Zënter engem CNN-Reportage virun dräi Méint, dee Sklavenhandel an illegale Flüchtlingscampen dokumentéiert huet, wëllt déi libesch Regierung déi illegal an déi eege legal Campen zoumaachen.

D'Flüchtlinge mam Statut vum UN-Flüchtlingswierk UNHCR sollen aus dem Land erausgeflu ginn. An enger éischter Phas an de Niger, vu wou si da weider verdeelt ginn a Länner, déi bereet sinn, si opzehuelen.

Déi international Organisatioun fir Migratiounen OIM offréiert fräiwëlleg Retoure fir déi aner, zréck an hir Heemescht. Mat 50 Euro Täschegeld, an engem Reintegratiounsprogramm, dee bis zu 1.000 Euro pro Persoun chiffréiert gëtt.

Lauschteren

Méi zum Thema

Stan Brabant
Amnesty International

D'Konstrukt vun de Mënscherechter, d'Basis vun eise Gesellschaften, géif um Spill stoen, seet de Stan Brabant. Bannent de Vereente Natioune géif eng Staatekoalitioun géint Mënscherechtsorganisatioune agéieren.

Christopher Lilyblad
Kooperatioun

Kleng Entwécklungs-ONGen hunn ëmmer méi Schwieregkeete fir u Gelder ze kommen. Den neien Direkter vum Cercle de coopération wëllt hëllefen. D'Sue fir Kooperatioun dierften net an d'Migratioun fléissen.

Charles Goerens
EU-Missioun am Mëttelmier

Dem Europadeputéierte Charles Goerens no kann d'Flüchtlingskris net erfollegräich traitéiert ginn, wa verschidden EU-Memberstaaten op eegen Initiativ handelen. Et géif u Solidaritéit feelen.

Migranten aus Libyen um Wee an Italien
Migratiouns-Kris

D'Mesuren, fir d'Migratioun aus Libyen no Italien ze bremsen, fonctionnéiere net, seet de Gerald Knaus, Initiateur vum EU-Tierkei Accord. D'EU bräicht och Accorde mat afrikanesche Länner, fir déi "humanitär Katastroph" ze stoppen.

Programm

Dossieren

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

  • Literaturfestival "étonnants voyageurs"

    Iwwer de Päischtweekend stoung d'Literatur aus der ganzer Welt, awer och de Film an d'Ausstellungen am Mëttelpunkt an der klenger bretonescher Festungsstiedche Saint Malo.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen