Monoparental Famillen Eng Steiergerechtegkeet fir Elengerzéiend

Zu Lëtzebuerg läit den Taux vum Aarmutsrisiko bei monoparentalle Famille bei 45 Prozent, wäit iwwer dem europäeschen Duerchschnëtt vun 33 Prozent. Eng vun den Explikatiounen, fir déi héich Precaritéit vun de Monoparentallen zu Lëtzebuerg, wier hir Aarbechtssituatioun, seet d'Anne-Catherine Guio, Ekonomistin a Fuerscherin beim Fuerschungsinstitut LISER. Eng aner Ursaach ass eng ongläich Besteierung par rapport zu Koppelen.

Mick Entringer / cz

Anne-Catherine Guio
Anne-Catherine Guio

Et hätt näischt mat Inaktivitéit an Deelzäit ze dinn, mee mat Aarmut op der Aarbecht. Heefeg wiere Leit betraff, déi géinge voll schaffen an trotzdeem ënner der Aarmutsgrenz liewen. Do léich Lëtzebuerg am europäesche Verglach ganz hannen.

Besonnesch betraff vun der Aarmut an de monoparentalle Famille sinn d'Kanner; en Drëttel vun hinne géif ënner materiellem Entbiere leiden. Zu Lëtzebuerg géif et donieft och eng grouss Ongerechtegkeet ginn, bei der Besteierung vun den Elengerzéienden.

"Monoparental Famille méi héich besteiert wéi Koppelen"

Studien iwwer Lëtzebuerg géife beleeën, datt d'Klass 1A, d'Klass vu den Elengerzéiende mat Kand, wesentlech méi besteiert gëtt, wéi d'Klass vun de Koppelen, seet d'Anne-Catherine Guio. Fir e selwechte Revenu géifen et enorm Differenzen. Monoparental Famille géifen zwee bis dräi Mol méi Steiere bezuele wéi d'Koppelen. De Collectif monoparental fuerdert méi steierlech Gerechtegkeet. Dëst Thema misst zu Lëtzebuerg méi diskutéiert ginn, seet d'Fuerscherin vum LISER.

Mat der Steierreform, déi dëst Joer a Kraaft getrueden ass, wier d'Regierung de Problem och net ugaangen. De Steierkredit fir monoparental Famille géif net d'Differenz tëscht Isoléierte mat engem Kand an de Koppele maachen. Déi Differenz géif duerch d'Steierbarêmer an duerch Steierabattementer entstoen.

"Et muss een och wëssen, datt de Steierkredit fir Kanner vun den Alimenter ofhänkt. Wann d'Alimenter, déi den aneren Elterendeel bezilt, méi héich ass, da gëtt de Steierkredit fir monoparental Famille gekierzt oder fält ganz ewech", seet d'Anne-Catherine Guio.

Een Drëttel vun dëse Kanner leit am Alldag ënner materiellem Entbieren

E Berechungsmodell moosst den Impakt vun der Aarmut a monoparentalle Famillen op d'Kanner.

Et hätt een en Indicateur fir ganz Europa entwéckelt, seet Anne-Catherine Guio. Wann ee Rumänien mat Lëtzebuerg géif vergläichen - onofhängeg vum Patrimoine - géif ee verschidden Analyse maachen a sech verschidde Froe stellen: "Huet d'Kand eppes ze iessen, kann et sech kleeden, huet et Schong fir säin Alter, kann et eng Woch d'Joer an d'Vakanz goen, kann et heiansdo an d'Piscine goen an zum Beispill e puer Frënn invitéieren ..."

Siwe kleng Mesuren definéieren den Indicateur de déprivation des enfants. An och do feelen engem Drëttel vun de Kanner, déi a monoparentalle Famille liewen, op d'mannst dräi Indicateure. Dat heescht en Drëttel vun de Kanner a monoparentalle Famillen leit am Alldag ënner materiellem Entbieren.

An der Mediathéik:

Invité vum Dag / / Mick Entringer
Lauschteren

Méi zum Thema

Xavier Bettel am  Europäesche Parlament EP Plenary session - Debate on the future of Europe with the Prime Minister of Luxembourg
DEBAT AM EU-PARLAMENT

De Xavier Bettel war am Europaparlament fir iwwert d'Zukunft vun der EU ze debattéieren. Virun allem iwwer d'Steierpolitik gouf et Divergenzen. Iwwer eng méiglech Reform vun der Eurozon, wollt hie sech net festleeën.

Facebook icon
Taxe fir digital Entreprisen

D'EU-Kommissioun presentéiert nei Regele fir d'Besteierung vun Internet-Entreprisen. Betraff sinn nëmme bestëmmten Aktivitéiten. Lëtzebuerg fënnt, et sollt een um Niveau vun der OECD reagéieren.

Pierre Gramegna
Steierpolitik

Wéi eng Konsequenze ginn an der EU iwwert d'Paradise Papers gezunn? D'EU muss méi géint Steier-Evasioun ënnerhuelen, fënnt déi Europäesch Kommissioun. Lëtzebuerg bleift bei senge Positiounen.

Steierpolitik an Dateschutz
Steierpolitik & Dateschutz

D'Jonk Sozialiste fuerderen d'Aféiere vun enger Steier op digital Donnéeën. Op EU- an OECD-Niveau gouf d'Iddi schonn diskutéiert, mä net zréckbehalen. D'Fro bleift awer aktuell.

monoparental Famill
Steierreform

Déi gréisste Verléierer bei der Steierreform wieren d'monoparental Famillen, esou d'Kritik op enger rezenter Diskussiounsronn. Si géife bis zu fënnef mol méi Steiere bezuelen, wéi bestuete Koppelen ouni Kanner.

Etienne Schneider.jpg
Stabilitéits- a Wuesstums-Programm

Aktuell wuessen d'Depensë méi staark wéi d'Recetten. D'Regierung hätt hir Depensepolitik net am Grëff, kritiséiert d'Oppositioun. De Wirtschaftsminister Schneider verweist op déi héich Investissementer.

Programm

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

  • Une nouvelle application mobile « radio 100,7 »

    radio 100,7 vient de lancer sa nouvelle application pour appareils mobiles. L'appli, simple à installer et facile à utiliser, permet d'écouter le programme de la radio 100,7 en direct et en différé en puisant dans la médiathèque de la radio. 

  • Yann Logelin, nouveau chef de la programmation à radio 100,7

    radio 100,7 annonce la nomination de M. Yann Logelin au poste de chef de la programmation. Yann Logelin prendra le relais de M Claude Mangen qui, après 25 ans à ce poste, assumera la direction du Mierscher Kulturhaus à partir du 1er novembre 2018.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen