Finanzplaz "Eng transparent an international Finanzplaz"

D'ONG Oxfam nennt Lëtzebuerg an enger Etude e Steierparadäis fir europäesch Groussbanken. D'Generalsekretärin vun der Banken- a Banquiersassociatioun ABBL kritiséiert d'Methodologie vun där Etude. D'Annemarie Jung seet och, datt d'Finanzplaz an hiert Kontrollorgan CSSF sech verännert hunn.

Mick Entringer / po

Annemarie Jung

De Generaldirekter vun der CSSF Claude Marx huet fir säi fréieren Employeur, d'BANK HSBC, Offshore-Geschäfter ofgewéckelt. Si kéint dem Claude Marx seng Aktivitéiten als Banquier net jugéieren, seet d'ABBL-Generalsekretärin.

Am Prinzip wär et awer ganz positiv, wa Leit aus dem Privatsecteur an den ëffentleche Secteur eriwwer wiesselen, well se aner Perspektive mat géingen erabréngen. Domadder géingen och déi aner Employéë vun der CSSF, en aneren Input kréien. Dat hätt och e positiven Effekt op nei Reglementatiounen am Finanzsecteur, a wéi déi ëmgesat géinge ginn, seet d'Annemarie Jung.

Oxfam-Etude: Methodologie a Fro gestallt

Der britescher Hëllefs- an d’Entwécklungsorganisatioun no, wär Lëtzebuerg e Steierparadäis fir grouss europäesch Banken. Déi britesch Bank Barclays hätt zum Beispill 2015 ee globale Profit vu fënnef Milliarden Euro gehat. Bal ee Fënneftel dovu wieren zu Lëtzebuerg, an der Schwäiz an an Irland entstanen, wou allerdéngs nëmmen ee Brochdeel, nämlech en hallwe Prozent, vun all den Employéë schaffen. Zu Lëtzebuerg wier d'Produktivitéit vun der Bank am héchste gewiescht: ronn 13 Milliounen Euro pro Barclays-Employé.

Fir d'Produktivitéit vun enger Bank iwwert de Benefice an d'Unzuel vu Beschäftegten an engem Land ze berechnen, wär Äppel mat Bire verglach, kritiséiert d'Generalsekretärin vun der ABBL. D'Annemarie Jung stellt d'Methodologie vun der Etude vun der britescher ONG a Fro.

An anere Länner géing et vill Retailbanke gi mat ville Beschäftegten. Bankaktivitéiten zu Lëtzebuerg géingen op méi groussen Investissementer berouen. D'Lëtzebuerger Finanzplaz wär ganz international ausgeriicht a wär ganz transparent. Dernieft hätt an de leschten zwee Joer vill op der Lëtzebuerger Finanzplaz geännert. D'Banken zu Lëtzebuerg géingen sech un all EU-Gesetzer halen.

D'Annemarie Jung bestätegt, datt d'ABBL an de Finanzministère sech dacks ofschwätzen, wann d'Finanzplaz an der Kritik steet. An dësem Fall wär net genuch Zäit gewiescht.

Digitaliséierung: Ofbau an nei Opportunitéiten

Verschidde Beruffsprofiller wäerte sech duerch d’Digitaliséierung verlageren, et wäerten awer och nei Méiglechkeeten doduerch entstoen. Esou hätt de Fintech-Cluster e Plang ausgeschafft, fir mat den ABBL-Memberen ze kucken, wéi nei digital Methode kënne bei de Banken agesat ginn.

Am operationelle Beräich wäert et manner Quantitéit vun Aarbecht ginn, an et wäerten nei Nischen opgoen, seet d'Annemarie Jung. Et wär nach ëmmer esou gewiescht, wann nei Methoden an Technologië fir ze schaffe komm sinn, da géing et Wiessel ginn.

Aarbechtsplazen déi aktuell op der Finanzplaz verluer ginn, féiert d'ABBL-Generalsekretärin manner op Digitaliséierung zréck, mä éischter op Optimiséierung vu grousse Gruppen, déi am Ausland verschidden Operatioune méi effizient kéinte féieren. Dat wär finanziell novollzéibar, seet d'Annemarie Jung.

An der Mediathéik:

Invité vum Dag / /
Lauschteren

Méi zum Thema

Steierrulingen.jpg
Steierregelen

Lëtzebuerg setzt nei Regele vun der EU an der OECD ëm. Resultat: Steierrulingen vu virum 1. Januar 2017 sinn – enger rezenter Circulaire no – net méi gülteg. Dat huet Konsequenzen, soen Experten.

André Roeltgen
Onofhängege Gewerkschaftsbond

Den OGBL-President André Roeltgen lueft d'Regierung ënnert anerem fir d'Steierreform. Mee et gëtt och Kritik: D'Gewerkschaft wier nach ëmmer vu villen Diskussiouns-Plattformen ausgeschloss.

Spuerschwäin
Finanzplaz

Méi héich Léin. Dat erwaarde sech d'Gewerkschafte vum neie Kollektivvertrag fir d'Salariéen am Bankesecteur. De Patronatsverband ABBL léisst sech den Ament net an d'Kaarte kucken. Enn des Joers ginn d'Verhandlungen un.

Pia Oppel Meenung
Finanzsecteur

Fir d’Finanzplaz wier et besser, wann d'Iwwerwaachungsautoritéit CSSF net vu Leit geleet géif ginn, déi nach kuerz virdru selwer am Secteur geschafft hunn. Eng Wirtschaftschronik vum Pia Oppel.

véronique eischen.JPG
Bankeplaz

Den Emploi am Bankesecteur ass amgaang sech staark ze veränneren. Dat muss awer net onbedéngt eppes Schlechtes heeschen, soen d'Gewerkschaftler Véronique Eischen (OGBL) a Roberto Scolati (ALEBA).

Aged Mailboxes
Steierpolitik

D'Zäit vun de Bréifkëschtefirmaen ass zu Lëtzebuerg eriwwer. Doriwwer si sech Politiker an Experten eens. Mä wéi vill Substanz muss eng Societéit hunn, fir vu Steieravantage kënnen ze profitéieren?

Programm

Net verpassen

  • The English guy is coming!

    Jim Kent.jpg

    "I'm really happy to be back on air in the Grand Duchy, which is where it all started for me and will endeavor to fill the airwaves with humorous and insightful observations on Luxembourg life combined with the best guests and music that you have come to expect from 100,7."

Dossieren

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

  • Weltdag vun de Kannerrechter

    Den 20. November ass de Weltdag vun de Kannerrechter. De radio 100,7 presentéiert an deem Kader verschidde Reportagen an Interviews, fir iwwer d'Rechter vun de Kanner opmierksam ze maachen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen