Noen Osten Antisemitismus a Frankräich

De Konflikt tëscht Israel a Palestina stellt weltwäit d'Solidaritéit op d'Prouf. Engersäits muss een eng Militäroffensiv kritiséieren, déi all Dag ville Palestinenser d'Liewe kascht. Anerersäits dierf en dobäi d'Existenzrecht vun Israel net a Fro stellen, mengt de Léonardo Kahn. A Frankräich gëtt dëst Nuance dacks iwwersprongen, mam Resultat, datt antisemittesch Ideologien et méi einfach hu sech ze verbreeden.

Léonardo Kahn (Paräis) / cbi

Meenung Een Demonstrant op enger Maniff fir Palestina
Een Demonstrant op enger Maniff fir Palestina, déi eigentlech verbuede gi war. Foto: picture alliance / NurPhoto | Adnan Farzat

Den Europadeputéierte Raphaël Glucksmann ass a Frankräich e bekannte Verfechter vun de Mënscherechter. Zu senger Solidaritéit mat Palestina schreift hien: "Défendre les droits des Palestiniens, c'est prôner la reconnaissance d'un État palestinien libre et viable aux côté de l'État isralien."

Eigentlech ass dat näischt aneres wéi e Plädoyer fir d'Zwee-Staate-Léisung, wou Israel a Palestina friddlech co-existéiere kënnen. Hie verurteelt d'Militäroffensiv vum israelesche Premier Netanjahu, seng illegal Siidlungspolitik, den Terrorismus vun der Hamas.

Eng Partie Leit hunn awer kritiséiert, dem Raphaël Glucksmann seng Kritik wier ze douce. D'Kommentarsektioun op Instagram war am Enn esou voller Israel-Haas an Antisemitismus, datt de Mënscherechtsaktivist d'Kommentarfunktioun desaktivéiere misst - eng Première a senger Karriär.

Eng wéineg nuancéiert Debatt

Och hei a Frankräich gëtt d'Debatt deelweis ze wéineg nuancéiert gefouert. Wien hei net héich kontrovers Begrëffer benotzt wéi "Génocide" oder "Imperialisme", gëtt séier verstouss. Dem Inneminister Gérald Darmanin säi Verbuet vun der Pro-Palestina-Maniff zu Paräis huet dobäi Ueleg op d'Feier gegoss.

Antisemitismus gëtt a Frankräich net esou séier verurteelt wéi zum Beispill bei eisen däitschen Noperen. Fir d'Shoa ginn a Frankräich haaptsächlech d'Nazie responsabel gemaach. Déi eege Vergaangenheet steet méi am Hannergrond.

Dobäi goufen iwwer 250.000 Judden am Vichy Regime deportéiert, wat ouni franséisch Komplizen net méiglech gewiescht wier. De sougenannte "Fichier Juif", deen dëst Deportatiounen an Zwangsenteegenungen dokumentéiert huet, gouf 1949, e puer Joren no der Befreiung, einfach zerstéiert.

Eng konstruktiv Ausernanersetzung feelt doduerch

De Wonsch vun Israel en eegene Staat ze grënne, gëtt dowéinst méiglecherweis net sou gutt verstanen: op der Demo de leschte Samschdeg hei zu Paräis ass kritiséiert ginn, Israel wier eng US-amerikanesch Kolonie an net e Land, an deem Judden zanter dem zweete Weltkrich a Fridde solle liewe kënnen.

Dat alles ass schued, well doduerch eng konstruktiv Ausernanersetzung mam Sujet verhënnert gëtt. Well jo, Palestinenser gi momentan ënnerdréckt a brauchen international Ënnerstëtzung. A si hu selbstverständlech e Recht op en eegene Staat. De Konflikt ass awer net ze léisen, andeems een d'Existenz vun Israel a Fro stellt.

An der Mediathéik:

Chronik / /
Lauschteren

Méi zum Thema

Policeauto virun enger Synagog
Däitschland

De Konflikt tëschent Israel a Palästina suergt och an Däitschland fir Tensiounen. An de leschten Deeg koum et a villen däitsche Stied zu antisemittesche Virfäll. Déi däitsch Politik wéist sech besuergt.

Jean Asselborn
Konflikt am Noen Osten

De Lëtzebuerger Ausseminister Jean Asselborn seet am 100,7- Interview, datt d'Diplomatie aktuell déi eenzeg Hoffnung wier fir eng Léisung am Israel-Palestina-Konflikt. De Jean Asselborn hofft, datt de Weltsécherheetsrot e Sonndeg eng Resolutioun wäert huelen.

Net verpassen

  • Offre d'emploi: Journaliste-présentateur/trice

    radio 100,7

    L'Établissement de Radiodiffusion Socioculturelle, opérateur de la radio de service public radio 100,7, recherche Un/e Journaliste-présentateur/trice sous contrat à durée indéterminée et à tâche complète (40h/semaine).

Programm

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen