Berichter iwwer "illegal Deponie" ArcelorMittal: "Kënnen net prezis soen, wat op der Deponie läit"

ArcelorMittal deposéiert keng riskant Offäll aus sengen aktuelle Produktiounsaktivitéiten op den Deponien um Crassier Déifferdeng: esou huet de Stolkonzern op d'Artikele vum Online-Magasinn reporter.lu reagéiert. Geféierlech Produktiounsoffäll géifen am Ausland traitéiert ginn.

Serge Kesseler / cbi

Arcelor Mittal
Leie geféierlech oder gëfteg Stoffer op den Deponien um Crassier Déifferdeng?

De Bäitrag vum Serge Kesseler lauschteren


An den Artikele bei reporter.lu war vun ëmweltschiedlechen Industrieoffäll rieds gaangen, vu Gefore fir d'Gesondheet, enger héich belaaschter Deponie a vun engem Verstouss géint d'Ëmweltgesetzer.

Am Fall vun Déifferdeng wier et falsch ze soen, datt do geféierlech oder gëfteg Stoffer gelagert ginn, esou de President vun ArcelorMittal Lëtzebuerg Michel Wurth: et wier éischter e "Stuerm am Waasserglas, wéi een Ëmweltskandal".

Wéi eng Offäll aus der Vergaangenheet op der Decharge leien, kéint een awer net mat Prezisioun soen, esou de Generaldirekter vun ArcelorMittal Lëtzebuerg Roland Bastian. Zesumme mam Ëmweltministère a mat de Verwaltunge géif elo opgeschafft ginn, wéi eng Offäll do leien. Dëst soll een transparente Prozess sinn, mam Zil Kloerheet ze schafen:

"D'Legislatioun, déi huet geännert iwwer déi Joerzéngten, wou d'Stolindustrie fonctionéiert. A wat virun 30 Joer nach erlaabt war, ass natierlech haut zum Deel net méi erlaabt. A wat alles do läit, dat kënne mir och elo vum Standpunkt vun haut net mat Prezisioun soen."

De Roland Bastian dementéiert, datt ArcelorMittal sech net un d'Gesetzer géif halen. Et wier falsch vun enger illegaler Deponie ze schwätzen.

Reporter.lu hat vun enger héich belaaschter, illegaler Deponie a vu Gefor fir d'Gesondheet geschriwwen. Zum Deel géifen net déi néideg Autorisatioune virleien, esou reporter.lu: an engem Fall géif den Ëmweltministère vun enger "illegaler" Deponie schwätzen.

Déi gréng Ëmweltministesch Carole Dieschbourg soll e Mëttwoch an der zoustänneger Chamberkommissioun Explikatiounen iwwer d'Dechargen zu Déifferdeng liwweren.

Méi zum Thema

Deponie
Buedemdeponien

Zu Lëtzebuerg ginn et den Ament véier Deponien, wou Camione Buedem vu Chantieren ofluede kënnen. Dat geet net duer, soen d'Entrepreneuren. Lëtzebuerg bräicht 12 Deponien, fir dem Besoin gerecht ze ginn.

Georges Engel a Roberto Traversini
Keng Steewoll a keng weider Deponien

D'Gemenge Suessem an Déifferdeng fuerderen d'Regierung op, keng Steewollfabrik a keng Deponien op hirem Territoire ze genehmegen. D'Projete wieren net ëmweltfrëndlech an net am Interêt vun der Populatioun.

Net verpassen

  • Offre d'emploi: 1 responsable ressources humaines (m/f)

    HR Human Resources

    L'Etablissement de Radiodiffusion Socioculturelle recherche 1 responsable ressources humaines (m/f) sous contrat à durée déterminée en vue du remplacement d'un congé de maternité et d'un congé parental à temps plein.

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen