Suite vun Iwwerschwemmungen Bäerdref, en Duerf an der Sakgaass

Bäerdref ass am Moment en Duerf an enger Sakgaass. Normalerweis kënnt ee vun dräi Säiten dohin. Am Moment just vu Konsdref. D'Stroosse vun Iechternach a vum Grondhaff erfort sinn zanter de schroen Onwiederen zou a wäerten dat wuel och e Strapp bleiwen. Dat ass deen ee Problem. Deen aneren sinn d'Wanderweeër an de Bëscher ronderëm Bäerdref: Si sinn de Grond firwat Touriste gewéinlech an de Mëllerdall kommen. An elo vläicht manner, well déi Weeër eben net all op sinn.

Maurice Molitor / cz

Mëllerdall Schued u Wanderweeër
Foto: Alexandre Kintzinger

Futtis Brécken, Beem déi ëmgefall sinn, Buedem deen ewech gespullt gouf. Duerch d'Iwwerschwemmungen am Mëllerdall ass vill Schued entstanen, speziell un der Wanderweeër an der Gemeng Bäerdref. De Gros vun de Weeër wäert an engem Mount erëm op sinn, mengt d'Marianne Origer vum Office regional du tourisme Mëllerdall. An de Méint Juni, Juli August wieren déi meeschte Leit um Müllerthal Trail ënnerwee.

Wanderweeër sou séier wéi méiglech nees an d'Rei setzen

Fir d'Gemeng wier et tatsächlech bal méi wichteg, d'Spadséierweeër nees an d'Rei ze kréien, wéi d'Zoufaartsstroossen, seet de Buergermeeschter Joe Nilles. D'Leit géifen iergendwéi ëmmer bis op Bäerdref kommen, et wier awer virun allem wichteg, datt si dann och eppes kéinten ënnerhuelen.

Momentan wier Bäerdref relativ vun der Aussewelt ofgeschnidden. "Wann een op der Duerfplaz steet, do kënnt kee Wanderer laanscht, kee Mountainbiker laanscht, kee Velosfuerer laanscht, kee Motorradsfuerer laanscht an och keen Autosfuerer", seet de Joe Nilles.

Schlecht fir den Tourismus

Soubal an de soziale Medien d'Fotoen an d'Videoe vum Reen an deem ganze Schued, deen en ugeriicht huet, zirkuléiert sinn, wären déi éischt Ofsoe komm, seet d'Aline Schmitt, d'Cheffin vum Berdorfer Eck.

Och dem Camping Martbusch zu Bäerdref hätte verschidde Leit ofgesot, aner Clienten hätte spontan zougesot, seet de Fabio Seco, Receptionist vum Camping. 14 Betriber mat 200 Beschäftegten ginn et zu Bäerdref am Beräich Tourismus.

Grouss Solidaritéit

Zu de positive Säite vun deem ganze Misär gehéiert déi grouss Solidaritéit an Hëllefsbereetschaft: Leit vun auswäerts, déi sech spontan gemellt hu fir eng Hand upaken ze kommen. Fir Leit, déi selwer wëllen hëllefen, fir d'Weeër nees a Stand ze setzen, ass iwwerdeems dëse Samschdeg Rendez-vous um Parking vum Amphitheater zu Bäerdref. Am beschte mellt ee sech am viraus op der Gemeng un, sou de Buergermeeschter Joe Nilles.

An der Mediathéik:

Aktuelles / / Maurice Molitor
Lauschteren

Méi zum Thema

Iwwerschwemmungen
Héichwaasser

Och vill kleng Mesurë kënnen dozou féieren, datt manner Schued duerch extrem Wiederphenomer entsteet, esou d'Waasserverwaltung. D'Donnerwiedere vum 1. Juni waren immens schwéier virauszegesinn.

Futtis Autoen
Héichwaasser

An deene Regiounen, wou et d'lescht Woch Iwwerschwemmunge gouf, gëtt nach ëmmer opgeraumt. Déi betraffe Leit sollen sech elo bei hirer Assurance mellen, fir z'evaluéieren, wéi se kënne rembourséiert ginn.

Iwwerschwemmungen
Héichwaasser 1. Juni 2018

Wéinst dem ville Reen an der Nuecht vun Donneschdeg op e Freideg, virun allem am Mëllerdall, ass d'Krisen-Zell vum Haut Commissariat à la protection nationale aktivéiert ginn. Een Iwwerbléck, Hannergrondinformatiounen a Reaktiounen.

Programm

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

  • Une nouvelle application mobile « radio 100,7 »

    radio 100,7 vient de lancer sa nouvelle application pour appareils mobiles. L'appli, simple à installer et facile à utiliser, permet d'écouter le programme de la radio 100,7 en direct et en différé en puisant dans la médiathèque de la radio. 

  • Yann Logelin, nouveau chef de la programmation à radio 100,7

    radio 100,7 annonce la nomination de M. Yann Logelin au poste de chef de la programmation. Yann Logelin prendra le relais de M Claude Mangen qui, après 25 ans à ce poste, assumera la direction du Mierscher Kulturhaus à partir du 1er novembre 2018.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen