Invitéeë vum Dag Illegale Contenu um Internet mellen

Vum Hierscht d'lescht Joer u wier "enorm" vill kannerpornographescht Material bei der BEE SECURE Stopline gemellt ginn, sot déi Responsabel vun der Stopline an diploméiert Pädagogin Barbara Gorges-Wagner. Si war zesumme mat der Stopline-Mataarbechterin Sally Stephany eis Invitée vum Dag.

Françoise Keller

Sally Stephany & Barbara Gorges-Wagner
Sally Stephany a Barbara Gorges-Wagner

Iwwert d'BEE SECURE Stopline kënnen Internetnotzer op eng anonym a vertraulech Aart a Weis illegale Contenu um Internet mellen. Dorënner falen, nieft pornografeschem Material mat Mannerjähregen, och rassisteschen, revisionisteschen, terroristeschen oder och diskriminéierende Contenu. D'lescht Joer wiere vun den iwwer 700 gemellte Linke mat Kannerpornographie der ongeféier 600 als illegal agestuuft ginn.

No dëser Klassifikatioun géif eng "technesch Analys" gemaach ginn, seet d'Sally Stephany.

"Also mir musse kucken. Et gi verschidde Critèren, no deene mir d'Bildmaterial analyséieren. Ganz wichteg fir ze soen ob et illegal ass, ass ob e Kand ze gesinn ass. Wat geschitt do? Ass e Fokus do op e gewësse Kierperdeel? Ass dat Kand plakeg? Ass et iergendwéi sexualiséiert ugedoen oder a Pose gestallt? An da gëtt d'Handlung selwer gekuckt, wann eng do ass. Zu Lëtzebuerg ass och de Posing selwer schonn illegal. Dat heescht, mir ginn dat dann och weider. Och wa keng "sexuell Handlung" ze gesinn ass."

D'Mataarbechter géife forméiert gi fir den Alter vun engem Jonken z'erkennen, dee fir pornographesch Zwecker mëssbraucht gouf. Am Zweifelsfalls géif Material éischter als illegal wéi als legal agestuuft ginn. Mee d'Police, déi sech duerno mam Material befaasst, hätt an dëser Fro dat lescht Wuert, erkläert d'Barbara Gorges Wagner.

D'BEE SECURE Stopline beschäftegt fënnef Mataarbechter an ass Deel vun INHOPE, engem internationale Netwierk vu enger 50 Hotlinë weltwäit. D'Material, dat hei am Land gemellt gëtt, gëtt och an déi international Datebank vun Interpol agedroen.

An der Mediathéik:

Invité vum Dag / / Françoise Keller
Lauschteren

Méi zum Thema

Net Neutrality
Netzneutralitéit

An den USA goufen am Dezember d'Reegele fir d'Netzneutralitéit opgeweecht. Doduerch kéint d'Fräiheet a Gläichheet am Internet a Gefor sinn. Eng Decisioun, déi och Konsequenze fir Lëtzebuerg kéint hunn.

Jean-Claude Majerus
Rauen Toun

D'Kommunikatioun a soziale Medien ass abstrakt. Et sëtzt ee virum PC an et muss ee keng Reaktioun fäerten. Mä och an der digitaler Welt musse Verhalensreegele vermëttelt ginn, mengt de Jean-Claude Majerus.

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen