Lëtzebuerger Medielandschaft Bas Schagen: "Net gutt fir de Mediepluralismus"

Et wier net gesond fir de Medie-Pluralismus hei am Land, datt déi privat Radiosenderen all dem RTL-Mammenhaus CLT-UFA gehéieren, seet de Bas Schagen vum Internetradio AirFM 24. Dësen hat sech fir ausgeschriwwe Radiosfrequenze beworben, déi um Enn awer L'Essentiel Radio krut. CLT-UFA ass zu 25 Prozent u L'essentiel Radio bedeelegt. De Bas Schagen schléisst awer net aus, datt een an der Zukunft nach eng Kéier fir Frequenze kandidéiert.

Stephan Polet / cz

Bas Schagen
Bas Schagen (Foto: Archiv)

De Bäitrag vum Stephan Polet


Natierlech wier een enttäuscht, datt een den Zouschlag net krut. Esou de Bas Schagen. Hien ass ee vun dräi Initiateure vun AirFM 24 a war fréier Radio-Animateur bei RTL an DNR. Datt d'ALIA déi ausgeschriwwe Frequenze engem schonn existéierende Radio ginn hätt, fir datt dee säin Auditoire kann erweideren, dofir huet de Bas Schagen kee Verständnis.

D'Ausschreiwung hätt eigentlech virgesinn, datt wann e bestoende Radio d'Frequenze géif kréien, dee seng al Frequenz misst zeréckginn. "Dovunner gëtt elo guer net méi geschwat, an et gëtt just vun enger Erweiderung geschwat", sou de Bas Schagen.

Weiderentwécklung vun AirFM 24 war geplangt

An engem Communiqué hat d'ALIA argumentéiert, datt AirFM 24 sech géif op Fräiwëlleger stäipen, an et dofir keng Sécherheet géif ginn, datt dee Projet laangfristeg kéint bestoen. Dem Bas Schagen no géif een awer net nëmme mat Fräiwëllege schaffen, et hätt ee mat manner Leit ugefaangen a wollt "dat lues awer sécher ausbauen".

Et hätt een der ALIA e geneeë Projet virgestallt a gesot, wéi ee sech mat der Zäit hätt wëllen entwéckelen. Sou wieren och Emissiounen a méi Sprooche virgesi gewiescht an eng Zesummenaarbecht mat dem klengen Tëleessender Apart-Tv war geplangt, sou de Bas Schagen.

Interpretatiounsdivergenze beim Begrëff Mediepluralismus

An hirem Communiqué hat d'ALIA hir Entscheedung och mam Pluralismus an der Medielandschaft erkläert. Dat war virun allem op d'Franséischsproochegkeet vu L'essentiel Radio bezunn. De Bas Schagen versteet de Pluralismus awer anescht.

"Fir eis hätt dat geheescht, datt et zu Lëtzebuerg och nach en anere Radio géif ginn, deen net dem grousse Konzern CLT oder RTL géif ugehéieren."

De Bas Schagen spillt hei dorop un, datt d'RTL-Mammenhaus CLT-UFA zu 25 Prozent u L'essentiel Radio bedeelegt ass.

Wann an Zukunft nach eng Kéier Frequenzen ausgeschriwwe sinn, schléisst de Bas Schagen net aus, datt een nach eng Kéier kandidéiere géif.

Méi zum Thema

Thierry Hoscheit
Medielandschaft

De President vun der ALIA Thierry Hoscheit erkläert am 100,7-Interview, firwat L'essentiel Radio den Zouschlag fir déi zousätzlech Frequenze kritt huet, an net deen anere Kandidat AirFM 24.

l'essentiel radio.jpg
Medien

L'essentiel Radio kritt d'Méiglechkeet seng territorial Couverture a säin Auditoire weider ze verstäerken. D'Gesellschaft RadioLux kritt d'Notzungsrechter fir e Reseau vu sechs zousätzleche Radio-Frequenzen.

Antennen
Medienopsiicht

D'ALIA wëllt eegenen Aussoen no bis d'Rentrée am September en neien Direkter nominéieren. Et wieren eng Partie Kandidaturen erakomm an d'Prozedur wier am Lafen, krute mir vun der ALIA gesot.

Romain Kohn
Medienopsiicht ALIA

Enn Februar hat de Verwaltungsrot vun der Iwwerwaachungsautoritéit nach decidéiert, datt de Romain Kohn fir weider fënnef Joer sollt Direkter bleiwen. Dës Woch gouf déi Decisioun revidéiert.

Romain Kohn
Iwwerraschung bei der Medienopsiicht

De Romain Kohn, Direkter vun der Medien-Opsiicht ALIA, kritt säi Mandat - dat Enn des Mount ausleeft - net d'office verlängert. Dat confirméiert de President vum ALIA-Verwaltungsrot, den Thierry Hoscheit.

Thierry Hoscheit
Europwahlen 2019

Den ALIA-President Thierry Hoscheit weist sech zefridden, datt RTL elo awer Wahlspotten op Franséisch diffuséiert. Aus dem Sträit wëllt d'Medienautoritéit eng Léier zéien.

Jean-Claude Franck
Europawahlen 2019

A knapp dräi Méint sinn Europawahlen. D'Mediecampagne vun RTL an 100,7 wäert vum onofhängege Superviseur ALIA iwwerwaacht ginn. Den 100,7-Chefredakter erkläert, wat dat fir de radio 100,7 bedeit.

Romain Kohn
Medien

Virum Hannergrond vun der Affär "RTL-Lunghi" mécht den ALIA-Direkter Romain Kohn d'Analys, datt d'Iwwerdroe vun ëffentleche Missiounen un ee privaten Acteur net gläichzesetze si mat "Service Public".

alia.jpg
Medien

D'RTL-Mammenhaus CLT-UFA iwwerhëlt e Véirel vun der Bedreiwergesellschaft vu "L'essentiel radio": Confirmatioun vun der Autorité luxembourgeoise indépendante de l’audiovisuel ALIA.

Programm

  • Iwwer Mëtteg

  • On air

    Noriichten

  • Spektrum

  • Ënnerwee

  • Noriichten

Net verpassen

Dossieren

  • Berlinale 2020

    D'Berlinale feiert dëst Joer hire 70. Gebuertsdag ënner den neien Direktere Carlo Chatrian a Mariette Rissenbeek. D'Sarah Peppin an den Tom Dockal si fir eis op der Plaz.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun hire Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen