Europawahlen 2019 Besetzung vun EU-Topposten: Wie setzt sech duerch?

Bei der Fro, wien nächste EU-Kommissiounspresident gëtt, géif et prioritär ëm Inhalter goen. Dat soen op d'mannst déi nei gewielte Lëtzebuerger EU-Deputéiert Charles Goerens, Tilly Metz an Nicolas Schmit.

Stephan Polet / cz

Europäesch Kommissioun
Foto: Europäesch Kommissioun

Den LSAP-Politiker Nicolas Schmit ass dogéint, datt de Spëtzekandidat vun der stäerkster Fraktioun automatesch Kommissiounspresident gëtt. Anerersäits wier een elo mat Spëtzekandidaten an d'Wahl gaangen, an dat kéint ee net einfach ignoréieren, seet den Nicolas Schmit. Mee och de Spëtzekandidat aus der gréisster Fraktioun misst eng absolut Majoritéit am Europaparlament hunn. Wann hien déi net hätt, da kéint en net President ginn.

Der Tilly Metz vun déi gréng no, muss den EU-Conseil eng Persoun virschloen, déi Spëtzekandidat war. Déi liberal Margrethe Vestager kéim fir si awer a Fro, och wann déi Liberal streng geholl net mat enger Spëtzekandidatin an d'Wahl gaange sinn. Egal wéi een Accord fonnt gëtt: Der Tilly Metz no missten déi gréng an déi Liberal als Wahlgewënner do mat am Boot sinn. Dobäi géif et net nëmmen ëm de Poste vum Kommissiounspresident goen.

Kritt d'Europaparlament sech duerchgesat?

Fir d'Besetze vun den Topposte misst generell den Aspekt vun der Paritéit méi respektéiert ginn, wéi dat bis elo de Fall war, esou déi gréng EU-Deputéiert.

Viru Mëtt Juni ass net mat enger klorer Entscheedung vum Conseil ze rechnen. D'Europaparlament wier awer net gezwonge passiv op d'Decisioun vum Conseil ze waarden, seet de Charles Goerens vun der DP.

"Wann d'EU-Parlament kéint erkenne loossen, datt si sech majoritär hanner ee stellen, dann misst de Conseil européen wahrscheinlech do alenken. Also den Ament si mir nach voll an der spekulativer Phas."

D'CSV schwätzt sech fir de Prinzip vun de Spëtzekandidaten aus. Op RTL-Tëlee huet de Christoph Hansen dem EVP-Spëtzekandidat Manfred Weber säin Usproch op de Poste vum EU-Kommissiounspresident als legitim bezeechent.


De Bäitrag vum Stephan Polet:

Lauschteren

Méi zum Thema

De Xavier Bettel um informellen EU-Sommet
INFORMELLEN EU-SOMMET

De Xavier Bettel hätt gären, datt déi liberal Margrethe Vestager Kommissiounspresidentin gëtt. Et ass elo um EU-Conseilspresident Donald Tusk no Kandidate fir véier Top-Posten an der EU ze sichen.

Danièle Weber Analys
Europäesche Wocheréckbléck

An der EU gëtt driwwer gestridden, wéi d'Poste solle verdeelt ginn. Soll ee vun den europäesche Spëtzekandidate Kommissiounspresident ginn? D'Géigner vum System hu schwaach Argumenter, fënnt d'Danièle Weber.

Programm

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen