Natur & Ëmwelt Biodiversitéit: eng existenziell Prioritéit

Suen an international Politik hätten den Naturschutz an den Hannergrond geréckelt, seet de President vun der asbl Natur an Ëmwelt. De Roby Biwer warnt virun Aartestierwen. Naturschutz misst eng Plaz an de Wahlprogrammer kréien.

Sophie Morang / me

Roby Biwer
Roby Biwer

Duerch den héijen Asaz vu Pestizidë wären d'Vullen ëm 50 Prozent zréckgaangen, och bei den Insekte géing et en dramatesche Réckgang ginn. Et misst e kloer mam Fanger op d'Verursaacher weisen.

"Ech ginn d'Gefill net lass, datt lues awer sécher d'Leit verstinn, datt muss eppes gemaach ginn. Wa mir duerno eng trostlos Natur a Landschaft dobaussen hunn, kee Villche méi héiere päifen. Kee Päiperlek méi gesi fléien. Ech fäerten, datt mir den Trend dann net méi gedréint kréien."

Naturschutz a Politik

Mir géifen an enger Zäit liewen an där sech alles ëm Geld, den Trump an de Brexit géing dréinen. De Gedanke vun der Biodiversitéit a vum Naturschutz wier an den Hannergrond geréckelt. Dobäi wier den Naturschutz eng vun de Liewensbase vun de Mënschen.

Politesch Fuerderunge vun Natur & Ëmwelt sinn:

  • en Naturschutzgesetz
  • den Naturschutz als gläichberechtegte Politikberäich
  • nom Landesplanungsgesetz séier Plan sectoriellen - "fir datt net Hott an Har gebaut gëtt"

De Käerjenger Contournement deet wéi

Wann een et als Land fäerdeg bruecht hätt fir Natura 2000 Gebidder, Naturschutzgebidder ze deklaréieren, wann een ee vun den héchsten Tauxe vun Naturschutzgebidder an Europa hätt, an da Stroossebau duerch esou Gebidder geet - dat géif wéi doen. "Dat ass net de Wee, dee mir approuvéieren. Wann et do keng aner Weeër ginn, da muss een nach emol hannerfroen, ob déi Strooss an där Form néideg war, an op aner Méiglechkeeten net hätte misste virgezu ginn." De Stellewäert vum Naturschutz wier hei net héich genuch gewiescht. Et hätt och eng aner Decisioun geholl kënne ginn.

Méi zum Thema

riicht-eraus.jpg Riicht Eraus
Nowuess an der Landwirtschaft

Wien e Bauerebetrib féiert, muss mat ville Risiken ëmgoen. Wie wëllt mathalen, brauch Land a modern Infrastrukturen a muss investéieren. Präisschwankungen op de Weltmäert reduzéieren d'Planungssécherheet.

Lëtzebuerger Bësch
Lëtzebuerger Bëscher

Zënter den 80er Jore verschlechtert sech den Zoustand vun de Lëtzebuerger Bëscher. Haut si vill Beem krank. Een Ëmdenken ass néideg. Och wat d'Biodiversitéit ugeet.

Roger Schauls
Wollef

D'Mënsche missten erëm léiere mam Wollef ze liewen, seet de Roger Schauls vum Mouvement écologique. De Wollef ass e wichtege Regulateur vun de Wëld- a Beembestänn. Fir de Mënsch wier en net geféierlech.

Katy Fox.JPG
Transitioun-Lëtzebuerg

"D'Natur ass ok, et ass éischter de Mënsch, deen Hëllef brauch", seet d’Katy Fox, Coordinatrice vum Netzwierk CELL. D'Transitiounsbewegung wëll Lëtzebuerg op den nom Pëtrol virbereeden.

Net verpassen

  • Offre d'emploi: 1 responsable ressources humaines (m/f)

    HR Human Resources

    L'Etablissement de Radiodiffusion Socioculturelle recherche 1 responsable ressources humaines (m/f) sous contrat à durée déterminée en vue du remplacement d'un congé de maternité et d'un congé parental à temps plein.

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen