Site Agro-Zenter Miersch Bis zu 1.000 nei Wunnengen

Nom Kollektivcongé soll mat den Ofrappaarbechten um Site ugefaange ginn, esou eisen Invité vum Dag, de Mierscher Buergermeeschter Michel Malherbe (DP). An den nächsten zéng bis 15 Joer sollen eng Partie nei Aktivitéiten op der Mierscher Industriebrooch entstoen.

Serge Kesseler / cbi

Michel Malherbe
Michel Malherbe, Buergermeeschter vu Miersch

De Service Sites et Monuments hat sech dofir agesat, datt de "Bâtiment balance" um Site vum Agro-Zenter soll geschützt ginn: dës Hal géif d'Häerzstéck vun der Anlag duerstellen, an där d'Baueren hir Kären ofgeliwwert hunn, esou den Direkter Patrick Sanavia op eis Nofro hin. D'Gebai hätt eng "gutt Architektur" an et wier alles anescht wéi e reng funktionellt Gebai. De Mierscher Gemengerot huet sech awer unanime fir d'Ofrappe vum Gebai ausgeschwat, dëst aus praktesche Grënn, esou de Mierscher Buergermeeschter.

Um Site vum Agro-Zenter bei der Mierscher Gare soll nom Kollektivcongé am August mam Ofrappe vun den ale Gebaier ugefaange ginn, dorënner de markante Kären-Zilo vu 65 Meter Héicht. De Gros vun den Aktivitéiten, déi et nach um Site ginn, sollen eisen Informatiounen no bis spéitstens Enn September an den neien Agrar-Zenter op Colmer-Bierg geplënnert sinn.

Duerno kënnen déi iwwer 17 Hektar Terrain zu Miersch nei genotzt ginn. De Buergermeeschter Michel Malherbe rechent domat, datt 2021 mam Bau vun neie Gebaier ugefaange gëtt. Et sollen bal 1.000 nei Wunnengen entstoen, dorënner och soziale Wunnengsbau. Donieft solle Geschäfter do entstoen, eng Crèche an eventuell een Hotel, esou de Michel Malherbe. Och zwee staatlech Verwaltungsgebaier si virgesinn. Dat éischt Gebai, dat um Industriesite soll entstoen ass e Parkhaus fir 400 Autoen.

Promoteure vum Projet sinn d'CEPAL (Société de gestion du patrimoine de la Centrale Paysanne) an d'Bau-Entreprise Félix Giorgetti.

An der Mediathéik:

Invité vum Dag / / Serge Kesseler
Lauschteren

Méi zum Thema

Logement
Themendag Logement

Lëtzebuerg huet en héije wirtschaftleche Wuesstem, d'Bevëlkerung wiisst, mä et feelt u Wunnengen. Wouduerch ass dat bedéngt, wat kënnen de Staat an d'Gemenge maachen, a wéi eng alternativ Wunnforme ginn et?

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen