Assurancen "Brexit ass eng Chance fir de Secteur"

De Standuert Lëtzebuerg huet vill Avantagen am Verglach zu Konkurrente wéi Frankfurt oder Dublin, seet de Marc Hengen. Dozou géifen déi international Communautéit an de reglementaresche Kader genau sou wéi d'Erfahrung am Secteur gehéieren. Datt déi grouss Assurancen awer hiert ganz Personal matbréngen, hält den Administrateur-délégué vun der Assurancen-Associatioun ACA fir onwahrscheinlech.

Matthias Kirsch

marc hengen.JPG
De Marc Hengen, President vum Direktiounscomité vun der ACA

Un éischter Linn wieren et d'Generaldirektiounen, déi op Lëtzebuerg géife kommen. "Hei ginn dann d'Decisiounen geholl, wéi d'Organisatioun an den anere Länner soll ausgesinn", sou de Marc Hengen. "Dat ass e System, dee jo an anere Beräicher scho besteet. Dat heescht net, datt een déi Servicer, déi no um Client sinn, dann och elo muss re-lokaliséieren." Dat wier an den aktuelle Pläng och net de Fall.

Ënnert anerem d'Spezial-Versécherung CNA Hardy an déi amerikanesch AIG verleeën hire Sëtz an de Grand-Duché. "Wat bei deenen Assurancen ëmmer nees als Argument koum, war dat internationaalt Environnement vum lëtzebuergesche Standuert", erkläert den President vum Direktiounscomité vun der ACA. Datt d'Reglementatiounen op Entreprisen aus verschiddene Länner ausgeluecht an d'Kommunikatioun mat den Autoritéiten a verschiddene Sprooche méiglech ass, hätt och Gewiicht.

Brexit: Eng Chance

Et kéint also och gutt sinn, datt wann de Brexit bis finaliséiert ass, nach weider Firme sech fir Lëtzebuerg decidéieren. "Am Endeffekt maachen déi Assurancen awer hir Decisioun selwer. Mir als Associatioun vun den Assurance rekrutéiere si net", seet de Marc Hengen. Wann awer eng Ufro no Informatiounen oder Hëllef kéim, wier een do fir z'ënnerstëtzen.

"Et muss een och bedenken, datt zu Lëtzebuerg de ganzen Environnement jo schonn do ass. Mir hunn Affekoten, Berodungsbüroen a Fongen." Dat wieren alles Servicer, déi ee net méi misst opbauen. "Déi Spezialitéiten kréien elo nees Opmierksamkeet, well international Acteuren se eraussichen."

Fir de Marc Hengen ass de Brexit deemno eng Chance, awer gläichzäiteg och en Challenge. "Chance an deem Sënn, datt mer bewise kréien, datt eise Modell unerkannt ass a funktionéiert." Well de System awer weider muss ausgebaut ginn an all d'Acteure soll zefridde stellen, géif een sech awer och dorops astellen.

Reforme wéinst Klimawandel

Net just de briteschen EU-Austrëtt, mee och de Klimawandel wier eng Erausfuerderung fir den Assurancë-Secteur. "Bei de schwéieren Onwieder am Summer lescht Joer hu mer gemierkt, datt mer zu Lëtzebuerg net op enger Insel liewen. Et kann och hei zu schwéieren Ëmweltkatastrophe kommen", sou de Marc Hengen. An deem Ausmooss wier et sou schwéier Schied nach net ginn.

"Doropshin hu mer mat der Regierung Léisunge gesicht an och fonnt." Sou misst vun dësem Mount u bei all Brandversécherung och Iwwerschwemmunge couvréieren. "Et sinn also konkret Fortschrëtter gemaach ginn."

Méi zum Thema

Nicolas Mackel
Finanzplaz

Ënnert anerem zwee grouss amerikanesch Assureuren wéilten eng Filial zu Lëtzebuerg opmaachen, esou de Chef vu Luxembourg for Finance. Wéi vill Aarbechtsplazen entstinn wär nach net kloer.

RER Brexit.JPG
RIICHT ERAUS

Lëtzebuerg kéint vum Brexit profitéieren - dat gouf an der Emissioun "Riicht eraus" däitlech. D'Onsécherheeten, déi mam Austrëtt zesummenhänken, kéinten awer negativ fir d'Staatsfinanze sinn.

Waltraud Schelkle.jpg
EU-Referendum a Groussbritannien

D'Waltraud Schelkle vun der "London School of Economics" seet, dass ee Brexit negativ Konsequenzen fir de britesche Finanzsecteur hätt. Déi Lëtzebuerger Finanzplaz kéint dovunner profitéieren.

Programm

Praktesch Infoen

  • 4.6. Generatiounen

    4.6. Generatiounen

    Kiischten a Waasser, Energie am Iessen, de Roger Quaino an d'Operett "Gräfin Mariza"

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen