Noen Osten Brutal Repressioun vu Protester am Irak

D'Zuel vun den Doudesaffer zu Bagdad ass den Donneschdeg op iwwer 20 eropgeklommen, mat méi wéi 1.200 Blesséierten. Grond fir d'Manifestatiounen, déi iwwerraschend séier gewuess sinn, sinn d'Aarbechtslosegkeet an d'Korruptioun.

Charlotte Bruneau (Irak) / cz

Protester Irak 1 dpa
Foto: picture alliance / Ameer Al Mohammedaw / dpa

Ganz iwwerraschend sinn d'Protester zu Bagdad net, wou zanter dem éischten Oktober Dausende vu Mënschen op d'Strooss ginn. D'lescht Joer goufen et eng Rei Anti-Regierungs Demonstratiounen a verschiddenen Deeler vum Irak, mee bei wäitem keng sou grouss wéi an de leschten dräi Deeg an der irakescher Haaptstad.

Demonstrante schénge bis elo spontan organiséiert an net parteipolitesch ze sinn. Si protestéiere géint déi Aarbechtslosegkeet, Korruptioun an de Mangel u Servicer an Infrastrukturen. Den Irak zielt zu de Pëtrol-räichste Länner vun der Welt, mee och zu de korruptsten. Der Weltbank no läit d'Aarbechtslosegkeet bei deene Jonke bei 20 Prozent, op de soziale Medie gëtt dëst als Haaptgrond fir d'Demonstratioune genannt.

Datt d'Protester grad elo ausbriechen, huet och mat rezente politeschen Entwécklungen ze dinn. D'Abdul Mahdi Regierung gëtt fir déi zouhuelend Muecht vun de pro-iraneschen Hashd el Chaabi Milize kritiséiert, also dofir, datt den iraneschen Afloss op déi irakesch Politik d'Onofhängegkeet vum Land op d'Spill setzt. Wéi d'Demonstratioune viruginn, hänkt och dovun of, wéi d'Regierung mat hinnen ëmgeet.

Foto: picture alliance / Ameer Al Mohammedaw/dpa

Keen Enn vun de Protester a Siicht

Virun e puer Deeg huet de Premier Abdul Mahdi versprach, eng Astellungsquot vu 50 Prozent fir lokal Aarbechter an zukünftege Kontrakter mat auslännesche Firmen, notamment am Beräich vun der Pëtrolsproduktioun, anzeféieren. Mee déi brutal Repressioun géint d'Demonstrante riskéiert éischter, nach méi Leit ze motivéieren, op d'Strooss ze goen.

Am Süde vum Land sinn och scho Protester ausgebrach. D'Regierung wëllt verhënneren, datt eng national Beweegung entsteet, seet dësen Aktivist an der Stad Mossul, am Norde vum Land:

"D'Demonstranten zu Bagdad hunn ugefaangen, Biller vun de Protester live op de soziale Medien ze diffuséieren. Si wëllen domat net nëmmen international Medien erreechen, mee och Mënschen aus dem Rescht vum Irak dozou opruffen, an anere Stied op d'Strooss ze goen. Dofir huet d'Regierung a villen Deeler vum Irak, an och hei zu Mosul, den Zougang zum Internet deelweis gespaart."

Internetaccès deelweis gespaart

Mossul, am Norde vum Irak, leit ënner schroe wirtschaftleche Problemer, haaptsächlech well d'Regierung kaum an d'Rekonstruktioun vun der fréierer irakescher Haaptstad vum IS investéiert. De Mohammad Tallal, de Chef vun der Police Judiciaire zu Mosul mengt awer, datt d'Wahrscheinlechkeet vu gréissere Protester am Norde vum Land kleng bleift.

D'Mënschen zu Mossul hätten Angscht fir op d'Strooss ze goen, well Protester am Norden direkt als pro-islamesche Staat gelabelt géifen, an deementspriechend ënnerdréckt géife ginn. "Mir rechnen éischter mat friddlechen Demonstratiounen an den nächsten Deeg, déi awer net esou ausaarte wéi an der Haaptstad Bagdad", sou de Mohammad Tallal.

Zu Bagdad ginn d'Protester trotz engem generellen Ausgangsverbuet virun, bis elo sinn iwwer 20 Mënschen dobäi ëm d'Liewe komm.

Foto: picture alliance / Ameer Al Mohammedaw / dpa

An der Mediathéik:

Aktuelles / / Charlotte Bruneau
Lauschteren

Méi zum Thema

Mossul
Irak

De Bistum vu Mossul wëllt, datt Chrëschten am Irak bleiwen. Ginn d'Rekonstruktioun nom Krich a Strategië géint den demographesche Wiessel duer? D'Charlotte Bruneau war op der Plaz.

D'Fotojournalistin Seivan Salim
Jesidesch Fraen am Irak

Vill Frae konnten der Terrororganisatioun IS entkommen, mee sinn elo mat laangfristege Problemer konfrontéiert. D'Fotojournalistin Seivan Salim huet zu Erbil op hir Ausstellung "Escaped" agelueden.

Jinwar
E modernt Experiment

Zu Jinwar, engem klengen Duerf ganz no un der tierkescher Grenz, hu Frae sech dofir entscheet, ënner sech ze wunnen a mat neie Forme vum Zesummeliewen ze experimentéieren. D'Charlotte Bruneau war op der Plaz.

Och fir d'Kanner ass e Liewen an der Stad selwer besser wéi am Flüchtlingslager.JPG
Logement fir Flüchtlingen

Während d'EU méi eng streng Flüchtlingspolitik a Siicht stellt, hänken a Griichenland iwwer 50.000 Mënsche fest. 3.000 vun hinne wunne mëttlerweil a Squatten. ONGe sichen Alternativen zu Flüchtlingslageren.

joshua.jpg
Teenager géint Supermuecht

De Joshua Wong huet sech schonn als Teenager zu Hong Kong géint China positionéiert. De Realisateur Joe Piscatella huet hie véier Joer laang begleet. Hien erlaabt Ablécker an eng engagéiert Jugend.

Libanon, Knascht
Ëmwelt

D'Gestioun vum Offall am Libanon ass eng politesch Affär. Déi verschidde reliéis Communautéiten hu kee laangfristegen Accord fonnt. Den Dreck gëtt onsortéiert verbrannt oder an d'Mëttelmier geheit.

piraeus-1.jpg
Flüchtlingskris

Iwwer 50.000 Mënsche sëtzen a Griicheland fest. D'Liewenskonditioune vun de Flüchtlinge sinn onmënschlech an d'Asylprozedure lues. Wann d'Memberlänner net reagéieren, spëtzt d'Situatioun sech weider zou.

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen