Däitschland Bundestagswahl: "Keng irrational Welt vu Fake News"

De Brexit-Referendum an d'Wahlen an den USA wären "Ausname" gewiescht, seet den däitsche Politolog Thorsten Faas. Bei der Bundestagswahl géife politesch Inhalter eng wichteg Roll spillen.

Rick Mertens

Thorsten Faas
Thorsten Faas (Foto: Johannes Gutenberg-Universität Mainz Institut für Politikwissenschaft)

D'Angela Merkel (CDU) läit an Ëmfroen am Moment iwwer 15 Prozentpunkten virum Martin Schulz (SPD). Den Thorsten Faas mengt de Wahlkampf kéint trotzdeem nach spannend ginn: "Mir wëssen, datt 30 bis 40 Prozent vun de Wieler nach net decidéiert sinn." Si géife sech eréischt an den nächste Woche seriö Gedanken driwwer maachen, wéi enger Partei si hir Stemm wëlle ginn.

D'SPD muss sech méi kloer positionéieren

Wann d'SPD dës Wieler nach wéilt iwwerzeegen, da misst se hiert Haaptthema, d'Gerechtegkeet, virun der Wahl vum 24. September nach méi kloer definéieren: "Dëst Thema kënnt bei de Leit an Däitschland am Moment nach net sou richteg un, well et dem Land ekonomesch gutt geet. Et geléngt der SPD bis elo net, ze weisen, datt et trotzdeem weiderhi Gerechtegkeetsfroen gëtt, iwwer déi et sech lount, ze streiden." Fir dat z'erreechen, misst d'SPD hir Positioune méi mat konkrete Beispiller illustréieren, mengt den Thorsten Faas.

De Politikwëssenschaftler ass iwwerzeegt, datt politesch Inhalter an Däitschland weiderhin eng grouss Roll spillen, wann et drëms geet, d'Wieler z'iwwerzeegen. Et géing net duer goen, just mat den Emotiounen ze spillen: "De Brexit-Referendum an d'Wahlen an den USA waren do éischter Ausnamen. Mir solle net sou maachen, wéi wann d'Welt just nach aus enger komplett irrationaler Kombinatioun vu Fake News a Stëmmunge géif bestoen. Ganz sou düster ass d'Bild net."

An der Mediathéik:

Invité vum Dag / / Rick Mertens
Lauschteren

Méi zum Thema

Matthias Kirsch Kommentar
Landtagswahl NRW

Bei de Landtagswahlen an NRW huet d'SPD bal aacht Prozent verluer. Och an den nationale Sondagë fält d'Partei. Wéi de Martin Schulz als Kanzlerkandidat confirméiert gouf, war dat nach anescht.

Net verpassen

  • Offre d'emploi: Journaliste-présentateur/trice

    radio 100,7

    L'Établissement de Radiodiffusion Socioculturelle, opérateur de la radio de service public radio 100,7, recherche Un/e Journaliste-présentateur/trice sous contrat à durée indéterminée et à tâche complète (40h/semaine).

Programm

  • Sot emol vun 10 bis 11

  • On air

    Iwwer Mëtteg vun 11 bis 2

  • Resonanzen

  • Am Nomëtteg vun 3 bis 6

  • Tockcity

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen