Linda Gedink Camping-Saison markéiert duerch Héichwaasser an nei Clientèle

D'Camprilux, d'Vereenegung vun de Campingbedreiwer zitt ee gemëschte Bilan iwwer dat vergaangent Joer. Et si wéinst der Pandemie nei Touristen op Lëtzebuerg komm. D'Héichwaasser huet awer vill Schued gemaach.

Carole Schimmer / tt

Linda Gedink

Et gouf eng positiv Entwécklung an de Lëtzebuerger Campinge mat enger neier Clientèle aus Däitschland, wou all d'Campingen zougemaach hu wéinst de Restriktiounen. Déi Touristen si virun Allem op Christi Himmelfaart, Fronleichnam a Päischte fir ee verlängerte Weekend op Lëtzebuerg komm.

Déi nei Clientèle konnt de Grand-Duché wärend engem Weekend entdecken an ass bereet nees zeréck ze kommen, präziséiert d'Linda Gedink, Generalsekretärin vun der Camprilux. Mee och d'Lëtzebuerger waren um Rendezvous, dat ënner anerem duerch d'50-Euro-Bongen-Aktioun, déi d'Regierung 2020 lancéiert hat:

"Et gëtt jo eng Partie Camper zu Lëtzebuerg déi soss ëmmer an aner Länner gefuer sinn an duerch d'Reesrestriktioune si se hei am Land bliwwen. Zemools déi aus dem Norden an dem Mëllerdall hu vill Lëtzebuerger empfaangen, déi aus dem Süde vum Land kommen"

Zesumme mat Luxembourg for Tourism gëtt eng Aktioun lancéiert déi déi Leit viséiert, déi zejoert fir d'éischt hei am Land waren.

Vill Schued duerch Héichwaasser

39 vun de 75 Campinger goufe Mëtt Juli 2021 vum Héichwaasser getraff. Verschiddener hunn no enger Woch schonn nees kënne Leit empfänken. Anerer hunn och de Mount August misste botzen a flécken. Et wier dobäi vill Offall entstanen, d'Waasser hat jo och vill Dreck mat geschleeft.

Dräi vun deene Campinger sinn déi ganz Saison zoubliwwen. Zwee dovunner wäerte warscheinlech hir Dieren net méi opmaachen, bedauert d'Linda Gedink:

"Dat ass de Camping vu Bur, do ass därmoosse vill zerstéiert ginn, datt et bal net méi derwäert ass fir do nees unzefänken, oder wa se nees ufänken da mat engem ganz anere Konzept, mat mobillen Infrastrukturen, sou datt op där Plaz investéiert gëtt, datt et sech och nees rentéiert."

Méi zum Thema

Linda Gedink
Linda Gedink

Déi meescht Campingen déi ënnert den Iwwerschwemmunge gelidden hu leien un de Flëss. 90 Prozent vun deene sinn elo nees prett fir Touristen z'empfänken.

IMG_3261.jpg
Iwwerschwemmungen

Ganz uerg getraff goufen an der Gemeng Rouspert-Mompech, déi zwee Campingen zu Rouspert a Bur. 90 Prozent vun de 86 Roulotten a Mobilhomen, déi zu Bur am Camping stounge si komplett zerstéiert.

Net verpassen

  • Offre d'emploi: Redakter/Redactrice Web

    radio 100,7

    Den Média de service public 100,7, deen de radio 100,7 bedreift, sicht en/eng neie/nei Redakter/Redactrice fir d'Onlineredaktioun mat engem Aarbechtskontrakt op onbestëmmten Dauer (CDI) fir 40 Stonnen d'Woch.

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen