Staatsbeamtegewerkschaft CGFP fuerdert "Unerkennung" fir Kriseleeschtung vu Staatsbeamten
D'Staatsbeamtegewerkschaft begréisst, datt d'Regierung och an der Kris weider wëllt investéieren. Den CGFP-Generalsekretär betount, et wier net de Moment fir eng Spuerpolitik ze maachen.
D'CGFP hätt relativ fréi d'Fro vum Krisefinanzement opgeworf an d'Solidaritéit vun der Fonction publique zum Ausdrock bruecht, seet de Steve Heiliger.
"Natierlech ëmmer ënner de Viraussetzung, datt mer dat paritéitesch maachen. Do muss jiddweree seng Responsabilitéit iwwerhuelen."
Et wier awer nach ze fréi fir ze soen, wéi dee Bäitrag kéint ausgesinn, esou de Steve Heiliger, et misst een ofweien, wann ee wéisst, wat d'Envergure vun der Kris ass a wat fir Efforte misste gemaach ginn.
De Steve Heiliger betount, d'Sacrificë misste paritéitesch tëschent Privatstéit an Entreprisen opgedeelt ginn. "Et kann net sinn, datt d'Fonction publique, oder iwwerhaapt d'Menagen, hei nees eng Kéier eleng zur Kees gebiede ginn."
D'CGFP huet rezent an engem Communiqué d'Unerkennung vun der "exemplarescher Aarbecht" vun der Fonction publique wärend der Kris gefuerdert.
De Steve Heiliger wëllt awer net vun enger finanzieller Approche schwätzen, et géifen aner Méiglechkeete ginn, déi diskutéiert misste ginn. D'Staatsbeamtegewerkschaft hätt sech e Gespréich mam zoustännege Minister erwaart, "mee dat ass komplett ofgeblockt ginn".
An der Mediathéik:
LauschterenMéi zum Thema
Eng mëttel- a laangfristeg Perspektiv kréien
De fréiere Finanzminister a President vun der Handelskammer Luc Frieden gleeft net un eng séier Reprise vun der Ekonomie. Et géif wuel dräi Joer daueren, bis een nees um Niveau vu virun der Kris ukomm wier.
Wéi staark hunn d'Confinements-Mesüren d'Leit belaascht?
Eng Etüd déi a sechs Länner gemaach ginn ass, wollt erausfannen, wéi eng Auswierkungen d'Confinementsmesuren op d'Psych vun de Mënschen hat. Spuenien, Italien, Frankräich, Schweden, Lëtzebuerg an Däitschland hu matgemaach.
