Récktrëttsfuerderungen CGFP spillt Ball a Richtung Chamber
D'CGFP spillt am Dossier ronderëm d'Reaffektatioun vum SPAL-Gewerkschaftspresident Christian Schleck de Ball an d'Chamber. Den delegéierten Arméisminister Henri Kox hätt fälschlecherweis do op een Dokument verwisen, datt de Christian Schleck mat dem neie Posten averstane gewiescht wier, heescht et an engem Communiqué.
D'Staatsbeamtegewerkschaft hätt awer eng schrëftlech Confirmatioun vun de Ministere Bausch a Kox, datt béid esou een Dokument net hätten. D'CGFP freet sech, ob den Henri Kox seng Aussoen deemno bewosst gemaach huet oder ob hien hanner d'Liicht geféiert gouf.
D'Chamber misst dëse Froen nogoen, éier d'CGFP op d'Récktrëttsfuerderunge vum SPFP géint d'Ministere Bausch a Kox kéint reagéieren. Eng Fuerderung, vun där sech souwuel d'Associatioun vun den Offizéier wéi d'Associatioun vun de Cadres supérieurs bei der Police distanzéieren.
D'Gewerkschaft vun de Forces publiques SPFP huet ufanks der Woch hir Basis aus Police an Arméi iwwer de Sträit mat den Autoritéiten informéiert. D'Gewerkschaft huet op en Neits kritiséiert, datt de Verteidegungsministère de Gewerkschaftler Christian Schleck wollt an der Arméi versetzen.
Méi zum Thema
SPFP fuerdert Récktrëtt vu Ministere Bausch a Kox
De Syndicat vun de Forces publiques gëtt net op, an d'Affär Christian Schleck spléckt weiderhin d'Arméi, obwuel de President vun der Arméigewerkschaft SPAL säi Poste behält.
Kommentar
De Christian Schleck ass kee Märtyrer fir d'Gewerkschaftsfräiheet
Zanter November geeschtert déi sougenannten Affär Christian Schleck ëmmer nees duerch d'Noriichten. Hien ass awer net dee dee Märtyrer, als dee seng Kolleegen hie gären duerstellen, mengt Michèle Sinner.
De Christian Schleck dierf op sengem Poste bleiwen
De President vun der Arméis-Gewerkschaft Spal, de Christian Schleck, däerf op sengem Posten am Recrutementsbüro vun der Arméi bleiwen a gëtt bis op Weideres net versat. Dat confirméiert den Arméi-Minister François Bausch.
"De Christian Schleck ass net strofversat ginn"
De SPAL-President Christian Schleck hätt festgehalen, datt hien net Demandeur fir en neie Poste wier, bestätegt de Chef d'État-Major Alain Duschène. De Christian Schleck wier awer net strofversat ginn.
