Brexitverhandlungen Brexit: Chamber besuergt, Regierung optimistesch

Während enger Orientéierungsdebatt iwwer de Brexit an der Chamber hu sech d'Deputéiert besuergt gewisen, datt bis den Delai vum 31. Oktober eventuell keen Accord iwwer e geregelten Austrëtt vu Groussbritannien aus der Europäescher Unioun kéint fonnt ginn. Nom 31. Mäerz d'nächst Joer soll de Brexit a Kraaft trieden. D'Zäit leeft, mee déi britesch Regierung schéngt sech net eens ze sinn iwwer d'Positioun, déi ee bei de Verhandlunge mat der EU soll anhuelen. Trotz der aktueller Situatioun huet sech d'Regierung zouversiichtlech gewisen, och fir de Fall vun engem "no deal".

Michel Delage / cz

Chamber
Foto: Chamber

D'Fro vun der Grenz mat Irland wier déi häertsten Noss bei de Verhandlungen, sou den Ausseminister Jean Asselborn. Trotz allem huet hie sech optimistesch gewisen. Hie wier optimistesch, datt och Groussbritannien "zur Ansicht kënnt, datt den 100-jäerege Krich, deen am 14. a 15. Joerhonnert war, och am 21. Joerhonnert net vun de Britte géif gewonne ginn".

CSV: "no deal net gutt fir Lëtzebuerg"

Den CSV-Deputéierte Laurent Mosar, deen d'Orientéierungsdebatt ugefrot hat, huet ënner anerem op eng rezent Etüd vum Internationale Wärungsfong verwisen. Sollten d'EU a London keen Accord iwwer hiren Divorce an och keen neie Fräihandelsaccord ofschléissen, dann hätt dat negativ wirtschaftlech Konsequenzen ënner anerem och fir Lëtzebuerg, seet den CSV-Deputéierten.

Et wéilt ee weider keng Kiischtepickerei vu London, mee och keng Revanche-Bestrofung vum Kontinent. D'CSV wéilt e faire Réckzuch erreechen, bei deem keng Säit hiert Gesiicht verléiert. Och an Zukunft misst ee gutt mat der britescher Insel zesummeschaffe kënnen, souwuel um politesche wéi um wirtschaftleche Plang.

ADR: "Keng Bestrofungsmentalitéit unhuelen"

Fir den ADR-Deputéierte Fernand Kartheiser géif Lëtzebuerg ee wichtegen Alliéierten an der EU verléieren. Dat budgetäert Lach, dat d'Britten hannerloossen, géif een och zwéngen, d'Ambitiounen no ënnen unzepassen. Eng Bestrofungsmentalitéit géigeniwwer Groussbritannien wier awer net ubruecht.

Een Deal tëscht Groussbritannien an der EU wier onbedéngt néideg, net nëmme wéinst de méigleche Konsequenze fir Groussbritannien, mee och fir d'EU a fir Lëtzebuerg.

LSAP, DP, déi gréng: Keng Verlängerung vu Verhandlungen, och op "no deal" astellen a rout Linnen

Datt d'Verhandlunge kéinte verlängert ginn, fir de Partner e bësse méi Zäit ze loossen, huet den LSAP-Deputéierte Marc Angel als Spekulatioun zeréckgewisen. An den Ae vum DP-Deputéierten André Bauler missten d'Acteure vun der Lëtzebuerger Finanzplaz sech scho mol op een "no deal" astellen. Den Henri Kox huet sengersäits d'rout Linnen opgezielt, déi aus Siicht vu senger grénger Fraktioun an deem Beräich sollte gëllen.

Et sollt weider e staarke regulatoreschen Accord bestoe bleiwen. An dem Post-Brexit vum Pabeier dee virläit, géifen och Kritäre genannt, déi awer net präzis wieren.

"Super preparéiert": 37 Entreprisë vu London op Lëtzebuerg

Op d'Fro vum CSV-Deputéierte Laurent Mosar no engem eventuelle Plang B, huet de Finanzminister Pierre Gramegna geäntwert, et wier een op een "no deal" virbereet. 37 Firmen hätten an Tëschenzäit schonn hire Sëtz vu London op Lëtzebuerg verluecht, respektiv hätten hir Filialen hei am Land verstäerkt. Ouni Accord géifen et der nach méi ginn.

Lëtzebuerg wier "super" preparéiert, et bräicht ee keng Extramesuren ze huelen, sou de Finanzminister. "A mir mussen eise Bäitrag an de 27 Länner leeschte fir datt mir fäerdeg bréngen, datt de Brexit net als Pretext geholl gëtt, fir Grenzen zouzemaachen."

Brexit-Zeenario huet Auswierkungen op Immobiliepräisser

Wéinst den Delokalisatioune vu London op Lëtzebuerg géifen all Mount tëschent 100 an 300 gutt bezuelte Leit heihi wunne kommen. Dat géif d'Immobiliepräisser an d'Luucht dreiwen, huet de Marc Baum, déi Lénk, ze bedenke ginn.

Dat wier fir d'Lëtzebuerger Gesellschaft e vill méi grousse Problem, wéi de Wonsch, nach weider Entreprisen aus der Finanzwelt vu London op Lëtzebuerg ze zéien.

"An dofir warnen mir, datt dat Schlëmmst wat kéint geschéien ass, datt mir net un eiser eegener Brexit-Gurmangsegkeet erstécken", sou de Marc Baum.

An der Mediathéik:

Aktuelles / / Michel Delage
Lauschteren

Méi zum Thema

Jean Asselborn 10
Brexitverhandlungen

D'EU-Kommissioun warnt, d'Länner misste sech och drop preparéieren, datt et net zu engem Accord mat Groussbritannien kënnt. Lëtzebuerg wier no Irland, Holland an der Belsch ee vun deene Länner, déi am meeschte betraff sinn.

Michel Barnier Euranet Plus Summit
Debat mam Michel Barnier

Wou sinn d'Verhandlungen iwwer de Brexit drun? 13 Radioe, dorënner de radio 100,7, froe beim Chef-Négociateur vun der EU no. De Michel Barnier steet Ried an Äntwert am Debat vun Euranet Plus.

London City
Brexit

Op Lëtzebuerger Initiativ ginn d'Finanzservicer am Text vum Brexit-Deal extra ernimmt. D'EU offréiert ee "verbesserten Äquivalez-Mechanismus". Wat heescht dat fir d'Lëtzebuerger Finanzplaz?

Europarlament debattéiert iwwert Brexit
Europaparlament

D'Europaparlament ass zefridde mat deem, wat bis elo an de Brexit-Verhandlunge festgehale gouf. D'EU konnt sech duerchsetzen, sou d'Analys vum Parlament. Et bleiwen awer nach vill Detailer ze klären.

Hubert Wurth
Riicht eraus

De fréiere Lëtzebuerger Ambassadeur zu London hält de Brexit fir e Feeler. Hien hofft, datt d'Britten nach eng Kéier iwwert den EU-Austrëtt kënnen ofstëmmen. D'Wieler wieren net genuch informéiert ginn.

David Davis a Michel Barnier bei Brexit-Verhandlungen
Brexit

Et gëtt nach ëmmer keng konkret Resultater bei de Brexit-Verhandlungen. De Moment vun der Wourecht wier elo do, sot de Michel Barnier, dee fir d'EU mat Groussbritannien negociéiert.

Brexit Verhandlungschefen David Davis a Michel Barnier bei der drëtter Verhandlungsronn zu Bréissel
Negociatiounen EU-UK

D'Negociatiounen tëscht der Europäescher Unioun a Groussbritannien hunn och bei der drëtter Gespréichsronn kee konkret Resultat fonnt. De Michel Barnier huet sech pessimistesch geäussert.

Two Female Accountants Counting On Calculator
EU-Budget

D'EU huet een eegene Budget vu ronn 150 Milliarden Euro d'Joer. Wa Groussbritannien aus der EU erausgeet, gëtt et ee Lach. Wou kann an Zukunft gespuert ginn?

marc hengen.JPG
Assurancen

Nom briteschen EU-Austrëtt verleeë grouss Assurancen hire Siège op Lëtzebuerg. Dat wier eng gutt Geleeënheet fir Lëtzebuerg, seet de Marc Hengen, President vum Direktiounscomité vun der ACA.

Merkel an Hollande
EU-Sommet

Den EU-Sommet iwwert de Brexit e Samschdeg war séier eriwwer. Domat wollten déi 27 EU-Memberstaaten Unitéit weisen. Bleift déi Eenheet och iwwer de ganze Prozess vun de Verhandlunge bestoen?

Nicolas Mackel
Finanzplaz

Ënnert anerem zwee grouss amerikanesch Assureuren wéilten eng Filial zu Lëtzebuerg opmaachen, esou de Chef vu Luxembourg for Finance. Wéi vill Aarbechtsplazen entstinn wär nach net kloer.

Just-eng-schréips.jpg Meenung
Wirtschaft

Den Austrëtt aus der EU wäert Groussbritannien deier ze stoe kommen. An och fir d'EU selwer huet de Brexit en héije Käschtepunkt. Déi Messagë wëll zu dësem Zäitpunkt awer kee richteg héieren.

Logement-Brexit.JPG
Immobilien

De Brexit kéint Auswierkungen op den Immobiliemarché hei am Land hunn. Am Logementsministère, bei den Agencen an och der Chambre immobilière ass dat een Thema. An trotz Onkloerheet, ginn et Zeenarien.

Programm

Dossieren

  • 76. Filmfestival zu Venedeg

    Zu Venedeg ass déi 76. Editioun vum Filmfestival. Den Tom Dockal ass fir de radio 100,7 op der Plaz. All Dag pickt hie sech ee Film eraus, fir deen da méi genee ënner d'Lupp ze huelen.

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen