#CHAMBERLEAK Chamberleak: Chamber iwwerhëllt voll Responsabilitéit
Gutt véier Méint no de Chamberleaks huet d'Chamber decidéiert hir Informatik ganz nei opzebauen. Dat huet d'Chamber de Mëtteg virun der Press matgedeelt. Domat ginn d'Recommandatioune vu staatlechen a privaten Experten ëmgesat.
Hiren Audit kënnt zur Konklusioun, datt intern an ëffentlech Dokumenter informatesch vunenee getrennt musse ginn. Et gëtt e Comité vun Experte gegrënnt fir d'Ännerungen ëmzesetzen an d'Chamber wëllt eng formell Zesummenaarbecht mam staatlechen Informatikdéngscht CTIE an dem Informatik-Noutdéngscht GovCert. De Chamberpresident huet zouginn, datt dat net vun haut op muer geet, an datt dat vill kaschte wäert. Wéi vill, wéisst een nach net.
Informatiounen net u politesch Responsabeler geleet ginn
De GovCert hat der Chamber zejoert schonn offréiert fir eng Konventioun ofzeschléisse fir zesummen ze schaffen. Dës Informatioun war awer net bis bei déi politesch Responsabel vun der Chamber komm. Et wier elo séchergestallt ginn, datt esou Offeren an Zukunft un d'Spëtzt vun der Chamber weidergeleet ginn, sou de Chamberpresident Mars Di Bartolomeo.
Informatesch Equipe hat net déi néideg (personell) Moyenen
D'Chamber wier schonn 2012 op eng Faille an hirem System opmierksam gemaach ginn, seet de Mars Di Bartholomeo.
Well d'Chamber zu deem Zäitpunkt awer sou eng kleng informatesch Equipe gehat hätt, hätt dës hir Prioritéite missten op dat Noutwendegst begrenzen. Dat géif, dem Mars Di Bartolomeo no och erklären, firwat deem Incident eventuell net direkt genuch Opmierksamkeet geschenkt gouf.
Wat d'Faille ugeet, déi am Mäerz dëst Joer vum radio 100,7 opgedeckt gouf, iwwerhëlt d'Chamber déi ganz Responsabilitéit, seet de Chamberpresident.
"Et ass och heiansdo gemengt ginn, mir géife mam Fanger op d'Kolleegen aus der Press weisen, a mir géifen eis aus der Verantwortung eraushuelen. Ech wëll ganz kloer soen, datt mir eis verantwortlech fille fir déi dote Faille. Mir iwwerhuelen déi Verantwortung och voll a ganz."
Geneeën Ausmooss vu Faille net bekannt
Op Chamber.lu ware méi wéi 12 Méint laang intern a sensibel Dokumenter zougänglech. Ob an där Zäit, soss nach iergendeen Zougrëff op dës Dokumenter hat, konnt de Mars Di Bartholomeo net mat Sécherheet soen.
"Ech kann iech just soen, datt et kee systemateschen a keen automatiséierten Zougrëff ginn ass." Theoretesch bestéing d'Méiglechkeet, datt weider Donnéeën ofgefloss sinn, mee dat wier net mat absoluter Sécherheet festzestellen, sou de Chamberpresident.
Justiz enquêtéiert weider
D'Enquête vun der Justiz ass nach am Gaang: am Mee goufen zwee Journaliste vun dësem Radio vun der Police judiciaire gehéiert an et gouf och eng Perquisitioun beim radio 100,7.
Méi zum Thema
Perquisitioun beim radio 100,7
Beim radio 100,7 gouf et um Dënschdeg eng Perquisitioun vun der Police Judiciaire wéinst der Affär ëm Dokumenter, déi um Site vun der Chamber accessibel waren. Et goufe keng Dokumenter saiséiert.
#chamberleak
Um Internetsite vun der Chamber waren eng ganz Partie intern a sensibel Dokumenter net adequat geséchert. Duerch d'Editéiere vu Weblinken konnten déi vertraulech Informatioune mat engem normale Webbrowser ofgeruff ginn.
Cybersecurity an Dateschutz zu Lëtzebuerg
Wéi sécher sinn d'Datebanken a - méi allgemeng - déi informatesch Systemer beim Staat? Oder am Privatsecteur? Wéi ass et mam Dateschutz, grad am Hibléck op déi nei Dateschutz-Reglementatioun?
Exklusiv
Staat u Whistleblower: "Mellt Iech!"
Internetnotzer, déi Sécherheetslacunen a staatleche Systemer entdecken, sollen d'Faillë mellen, esou de CTIE. Domat reagéiert de staatlechen Informatikzerwiss op eng 100,7-Meldung.
Chamber: Keng Konventioun mat GovCERT
GovCert huet der Chamber offréiert eng Konventioun ofzeschléisse fir zesummen ze schaffen. D'Generalsekretariat vun der Chamber ass dorop awer net agaangen an huet déi politesch Responsabel net informéiert.
Exklusiv
Chamber, SREL a CERT wousste virum 100,7 Bescheed
D'Chamber, de GovCERT an de SREL wousste scho virum radio 100,7 iwwert eng méiglech Sécherheetslacune um Chambersite Bescheed. D'Source vum Problem gouf awer net entdeckt an de Parquet net direkt doriwwer informéiert.
D'Gesellschaft soll de Staat méi sécher maachen
De Chaos Computer Club Lëtzebuerg fuerdert ee bessere Schutz fir Whistleblower. Informatesch Systemer géifen ëmmer méi komplex ginn an déi staatlech Autoritéiten géifen déi Sécherheetsfeeler net ëmmer bemierken.
Schwaache Whistleblower-Schutz am Internet
Dem radio 100,7 läit e Fall vir vun enger Sécherheetslacune op enger staatlecher Internetplattform. Si gouf net behuewen, well de Whistleblower kee Schutz viru penale Sanktioune garantéiert krut.
Wat wierklech geschitt ass
De radio 100,7 wäert weider op den Dokumenter schaffen, déi ëffentlech um Chambersite waren. Wa si d'Interêt public sinn, wäerte se der Ëffentlechkeet matgedeelt ginn. Wéi ass den 100,7 op de Problem gestouss?
Ausmooss vum Leak méi grouss wéi geduecht
D'Ausmooss vum Chamberleak ass 100,7-Recherchen no nach méi grouss wéi ufanks geduecht. Entgéint éischten Aussoe waren och sécherheetsrelevant Informatioune concernéiert.
Parquet ageschalt
No der Sécherheetspann op chamber.lu huet de Chamberbureau de Mëtteg unanime decidéiert, d'Informatiounen un de Parquet weiderzeleeden. Dat annoncéiert de Chamberpresident Mars Di Bartolomeo.
Wéi d'Fraktiounen d'Pressecouverture gesinn
Aus engem interne Rapport, dee mir consultéiere konnten, geet ervir, datt d'Fraktioune sech nach virun aacht Méint beschwéiert hunn, datt d'Press net genuch iwwer d'Chamber schwätzen a schreiwe géif.
"Keng Intrusioun"
Den Internetsite vun der Chamber war méi wéi 30 Stonnen offline. Grond dofir ware Recherchë vum radio 100,7. Et wier keng Intrusioun gemaacht ginn, seet den 100,7-Chefredakter. D'Informatioune wieren ëffentlech iwwer de Chambersite accessibel gewiescht.
"Mir kënnen an d'Lokalitéite kucke goen"
D'Sécherheetslacune um Internetsite vun der Chamber beschäftegt elo och déi national Dateschutzkommissioun, seet d'Presidentin. Et misst een ofwaarden, ob d'Dateschutzkommissioun eng Enquête opmécht.
"D'viischt Dier opgelooss"
D'Presidente vun de Chamberfraktioune si besuergt nom Opdecke vun der Sécherheetslacune um Internetsite. Wat genee geschitt ass, schéngt nach net kloer. Et wéilt een Analysen ofwaarden, heescht et.
Exklusiv
Sécherheetslacunen op chamber.lu
Um Internetsite vun der Chamber ware bis e Mëttwoch den Owend eng ganz Partie intern a sensibel Dokumenter net adequat geséchert. Dat weise Recherchë vum radio 100,7.
