Kannerrechter Charel Schmit: "D'Auere sinn zréckgedréint ginn a Saache Kannerrechter"

Zënter dem Ufank vun der Pandemie wieren d'Kannerrechter op eng haart Prouf gestallt ginn, sou den Ombudsman fir Kanner a Jugendlecher. De Charel Schmit seet, dat hätt d'Wuelbefanne vun de Jonken zum Deel massiv beanträchtegt.

Maurice Molitor (Interview) / Chris Zeien (Web)

Charel Schmit
De Charel Schmit ass Ombudsman fir Kanner a Jugendlecher.

Vill Kanner a Jugendlecher géifen ënner psychesche Problemer leiden a missten u sech psycho-therapeutesch betreit ginn. D'Fapsylux, de Beruffsverband vun de Psychotherapeuten, an d'CNS si sech awer nach ëmmer net iwwer eng Prise en charge vun deenen Therapien eens sinn. An dat wier "bal net nozevollzéien" an enger Situatioun an där Kanner een "fräien an direkten Zougang zu deenen Offere brauchen", sou de Charel Schmit.

"An ech denken, dass et d'Krankekeess net wäert ëmgeheit ginn duerch déi Jugendlech, déi elo méi psycho-therapeutesch an och méi ambulant psychiatresch Versuergung bräichten. An et ass och net eppes ass, wat Beruffs-korporatisteschen Iwwerleeunge soll geaffert ginn. Do muss gehandelt ginn. Et ass ganz grave a wierklech noutwenneg, dass do e kloere Message kënnt."

Regierung hätt sech an hirer Krisekommunikatioun méi missten u Jonker riichten

D'Pandemie hätt en enormen Impakt op den Alldag an op d'Rechter, d'Wuelbefannen an d'Liewensfreed vu Kanner a Jugendlecher gehat, sou den Ombudsmann fir Kanner a Jugendlecher Charel Schmit. Hie betount, datt Leit déi sech net impfe loossen, den Drock op Kanner a Jugendlecher nach géife vergréisseren.

"Deen Drock, deen elo op de Schëllere vun deene Jonke laascht, ass am Fong verursaacht duerch all déi, déi sech am Erwuessenen-Alter net impfe gelooss hunn, an net dozou bäidroen, da generell de Risiko fir sech ze infizéieren, erofgeet. Dat ass e Gedankegang, dee wichteg ass. Kanner a Jugendlecher hunn déi lescht Méint immens vill Solidaritéit gewise mat den eelere Generatiounen. Si souze mat oppene Fënsteren mat Decken an de Jacquetten wärend de Wanterméint an de Klassesäll, fir datt de Virus sech net an der Gesellschaft verbreet. Et ass elo un der Gesellschaft fir dat ze honoréieren an déi Solidaritéit och zréckzeginn."

D'Autoritéiten hätte sech, dem Charel Schmit no, an hirer Krise-Kommunikatioun méi geziilt missen un déi Jonk riichten. Zum Beispill an Zesummenhang mam Kannerrecht op Participatioun. "D'Auere sinn zréckgedréint ginn a Saache Kannerrechter an deene leschten 20 Méint. An do si mer alleguer gefuerdert, fir d'Aueren nees nei ze stellen a Saache Participatioun, Inclusioun an Integratioun vun de Kanner", sou de Charel Schmit.

An der Mediathéik:

Invité:e vum Dag / / Maurice Molitor
Lauschteren

Méi zum Thema

Gewalt géint Kanner
Weltkannerdag

Kanner hunn e Recht drop viru Gewalt geschützt ze ginn: esou steet et an der Kannerrechtskonventioun. Trotzdeem gëtt et déi Gewalt, och zu Lëtzebuerg. Mir hu bei Acteuren um Terrain nogefrot.

Paul Heber
Weltkannerdag

D'Unicef fuerdert, datt all d'Kanner am Lëtzebuerger Educatiounssystem déi selwecht Chancen sollen hunn. Am Moment wiere Kanner aus aarme Famillen a Kanner mat Migratiounshannergrond benodeelegt.

René Schlechter
ORK

Den Ombudscomité fir d'Rechter vum Kand behandelt a sengem Rapport besonnesch d'Situatioun vu Kanner vu Frontalieren, vun Expats a vu Flüchtlingen. An d'Rechter vu mannerjärege Refugiéen ouni Begleedung.

Net verpassen

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen