No Facebook-Post Christophe Bumb bedauert Fake News Virworf vu Piratepartei

"Eis Recherche baséiert op Temoignagen, an net op geleakten E-mailen oder soss Dokumenter." Dat seet de Christoph Bumb vu reporter.lu als Reaktioun op Virwërf, déi de Marc Goergen, Generalsekretär an Deputéierte vun de Piraten, dem Online-Magazin an eisem Mëttes-Panorama gemaach hat.

Maurice Molitor / cz

Exklusiv Goergen-Bumb.jpg
De Marc Goergen (lénks) ass Chamberdeputéierte fir d'Piratepartei, de Christophe Bumb (riets) ass Gérant a Journalist bei Reporter.lu

Et geet ëm en Artikel, dee reporter.lu de leschte Freideg publizéiert hat, a wou e Mataarbechter vun der Partei déi schlecht intern Stëmmung beklot an dofir besonnesch och de Marc Goergen responsabel gemaach hat. Dee Mataarbechter soll eng ganz Rei Date bei de Pirate geklaut hunn, sou de Marc Goergen. Ob een déi u Reporter viruginn hätt, wéisst hien net.

De Marc Goergen vun der Piratepartei

"Mir wëssen net wat reporter.lu am Moment virläit un Daten, a wéi si den Artikel gepréift hunn. Mee villes an deem Artikel ass einfach erfonnt. De Mataarbechter wousst, datt mir e géifen entloossen, well d'Aarbecht onzefriddestellend war. An dat doten ass dunn natierlech eng Reaktioun gewiescht."

Dëse Bäitrag huet de Bezierk Süden vun der Piratepartei op Facebook verbreet.

De Bezierk Süde vun de Piraten hat an deem Kontext op senger Facebook-Säit souguer vu "Fake News" geschwat. An et ass dee Begrëff, deen de Christoph Bumb vu reporter.lu am meeschten interpelléiert huet, och wann en an der Tëschenzäit geläscht ginn ass.

D'Reaktioun vum Christophe Bumb

"Wat mech bei där ganzer Saach awer iwwerrascht - an dat ass awer eng nei Qualitéit vun enger Reaktioun vun enger Partei, déi awer an der Chamber vertrueden ass - ass, datt mat Bezeechnunge wéi "Fake News" elo hantéiert gëtt. Mir haten am Fong geduecht, datt mir zu Lëtzebuerg net esou wäit sinn, datt gewëss Methoden och hei verwennt ginn. Dat ass schonn eng nei Qualitéit an an enger gewësser Weis e Präzedenzfall. Well haut ass et d'Piratepartei, déi dat Reporter virgehäit. Dat kann awer muer genee esou eng aner Partei sinn, déi engem anere Medium dat virgehäit. Just well se mat enger Story, déi do publizéiert gouf net zefridden ass oder sech negativ duergestallt fillt."


De Bäitrag vum Maurice Molitor:

Lauschteren

Méi zum Thema

D'Piratepartei nom Kongress am Februar 2019
Piratepartei

D'Piratepartei huet kee President méi. De Starsky Flor an d'Marie-Paule Dondelinger sinn nei Co-Spriecher vun der Partei. Fir Onmutt suergt, datt d'Marie-Paule Dondelinger Member bei der PID ass.

Gast Gibéryen - Sven Clement
Chamberwahlen 2018

D'ADR an d'Piratepartei wëlle fir déi nächst fënnef Joer een technesche Grupp forméieren. Et géif dorëm goen, d'Aarbecht an der Chamber ze optiméieren. Politesch Zesummenaarbecht soll et awer keng ginn.

Sven Clement
Chamberwahlen 2018

D'Pirate wéilte mat der PID eng Alternativ fir déi Leit bidden, déi onzefridde mat der Regierung sinn, d'CSV awer net wiele wëllen. Dat wier awer net ouni Reiwunge geschitt, seet de Sven Clement.

Sven Clement-5094.JPG
Piratepartei Lëtzebuerg

No de Wahltermäiner vun den nächste Jore kéint déi Lëtzebuerger Piratepartei een neie President kréien. Dat seet de Sven Clement, deen um Samschdeg fir ee weidert Mandat als President genannt gouf.

Net verpassen

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • Kuriositéiten aus der Lëtzebuerger Sprooch

    Si oder hatt? Zwee oder zwou? Domat oder domadder? Lëtzebuergesch ass och fir Mammesproochler net ëmmer einfach. Mir ginn der Saach op de Fong.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen