Handelsconfederatioun CLC: Reduktioun vun TVA ass kaum spierbar fir Konsument
D'Konsumente wäerten d'Reduktioun vun der TVA net onbedéngt direkt spieren. Dat seet den Tom Baumert, Direkter vun der Handelsconfederatioun. Fir d'Inflatioun ofzeschwächen huet d'Regierung decidéiert déi normal TVA vum 1. Januar u vu 17 Prozent op 16 Prozent ze reduzéieren.
Well d'Präisser wéinst der héijer Inflatioun weiderhi wäerten erop goen, géif den Endkonsument dës Baisse vun der TVA net onbedéngt mierken, erkläert de CLC-Direkter Tom Baumert.
Inflatioun wierkt sech ënnerschiddlech aus
D'Inflatioun géif sech ënnerschiddlech op déi eenzel Produiten auswierken. Besonnesch staark wier se zum Beispill bei de Matière premièren, seet den Tom Baumert.
"An déi Produite wäerten am Akaf ëmmer nach méi deier ginn an doduerch wäert deen ee Prozentpunkt sech och net direkt an dem Verkafspräis, deen een herno gesäit, erëmspigelen."
Den Direkter vun der Handelsconfederatioun geet dovunner aus, datt déi meescht Betriber dëse reduzéierten TVA-Taux un hir Cliente wäerte weiderginn a solidaresch sinn.
Fir kleng Betriber ass déi Mesure méi komplizéiert
Dës Mesure wier awer fir verschidde Betriber mat vill Aarbecht verbonnen, och wann eng Transitiounsphas virgesi wier.
"Mee jo ganz kloer, an ech schwätze lo vun engem ganz klenge Betrib, deen dat nach op der Hand mécht, dee muss dat op der Hand maachen. Dee rechent deen 1 Prozent um Endpräis net méi drop, an dat muss een da jee no Produit ofrechnen. Bei deene grousse Betriber, déi digitaliséiert sinn, ass dat natierlech méi einfach."
Servicer an déi niddreg TVA vun 3 Prozent sinn net vun der Baisse betraff, erkläert den Tom Baumert. Soubal d'Detailer vun de Mesurë bekannt sinn, wëllt d'Handelskonfederatioun hir Membere sensibiliséieren, seet den Direkter vun der CLC.
Méi zum Thema
"Energiepräis-Brems": Wéi gëtt se konkret ëmgesat?
De Gaspräis gëtt also gedeckelt an de Stroumpräis agefruer. Dat sinn déi zwee zentral Punkten aus dem Tripartite-Accord vum Dënschdeg. Wéi gëtt déi Decisioun ëmgesat a wat bedeit se fir de Konsument?
CSV begréisst de prinzipiellen Tripartite-Accord
D'CSV begréisst, datt d'Regierung an d'Sozialpartner e prinzipiellen Accord fonnt hunn. Wann de Sozialdialog funktionéiert, da sollt een aus der Oppositioun eraus deen net torpedéieren, esou de Gilles Roth.
Tripartite: Falscht Präissignal?
Déi nei Hëllefsmesüre fir d'Stéit an d'Betriber sinn op den éischte Bléck ganz interessant. Mee d'Präisbrems op der Energie dierf kee falscht Signal sinn, mengt de Jean-Claude Franck.
Et gouf e prinzipiellen Accord fonnt
No 30 Stonne Verhandlungen iwwer dräi Deeg an der Tripartite gouf en Dënschdeg den Owend e prinzipiellen Accord annoncéiert: De Käschtepunkt vum Hëllefspak läit bei eppes méi wéi enger Milliard Euro.
