D'CNPD huet den Dënschdeg hire Joresrapport fir 2020 presentéiert. Wann d'Betriber aus Dateschutz-Grënn net wéilten de CovidCheck-Regimm aféieren, da kéint ee Grond déi onprezis Formuléierung am Gesetzestext sinn, esou den Thierry Lallemang.
"Ech géif mengen, datt et aus Onsécherheet ass. Datt d'Entreprisen net wëssen, wéi se dat sollen handhaben. Ob se da konform sinn zum RGPD. Datt se vläicht soen, datt se riskéieren, datt e Contrôle kënnt vun der CNP. Da vläicht eng Enquête opgemaach gëtt."
D'Dateschutzkommissioun hat an engem Avis iwwert dat neit Covid-Gesetz kritiséiert, datt beim Covid-Check-Regime net virgesinn wier, wat fir Daten-Traitementer vum Employeur misst en place gesat ginn, fir konform mam RGPD ze sinn.
