Hie wéilt sech op "aner Projete" konzentréieren, esou de Forstingenieur a Gerant vun engem Ingenieursbüro. Hien hätt net genuch Zäit fir seng Aarbecht als Independant an als Buergermeeschter ze maachen. Dowéinst wéilt hie sech an Zukunft op säi Beruff an op seng Famill konzentréieren, an net méi fir e Mandat an der Gemeng zur Verfügung stoen.
Bei de Gemengewalen 2017 hat de Christian Miny an der Majorzgemeng Colmer-Bierg iwwerraschend déi meeschte Stëmme kritt, méi wéi de fréiere Buergermeeschter a fréieren LSAP-Deputéierte Fernand Diederich. 2017 war déi éischte Kéier, datt de fréiere President vum Club des Jeunes Christian Miny bei Gemengewalen ugetruede war.
D'Gemeng Colmer-Bierg am Kanton Miersch huet ronn 2.200 Awunner.