Chamberwahlen 2018 "CSV-ADR wier Alternativ fir d'Wieler gewiescht"

Wann d'CSV an der Wahlcampagne d'Propos vun der ADR ugeholl hätt, fir als gemeinsame Camp op ze trieden, dann hätt de Wieler eng Alternativ gehat. Dat seet den ADR-Norddeputéierten, Jeff Engelen.

Mick Entringer / fk

Jeff Engelen
Jeff Engelen

D'ADR huet der CSV am Wahlkampf eng Zesummenaarbecht offréiert, seet de Jeff Engelen. Hien ass Gemengeconseiller vu Wëntger an als Norddeputéierte fir d'ADR an d'Chamber gewielt ginn.

"Si hu refuséiert an d'Resultat gesi mir jo elo. Elo si si bei eis an der Oppositioun. Hätten si et ugeholl, dann hätt wahrscheinlech de Wieler eng Alternativ gehat. CSV-ADR oder Gambia. Mee elo hunn d'Wieler gesot, 'dann hu mir léiwer e Gambia-Original wéi eng Gambia-Kopie'. An ech mengen an deem Sënn do muss d'CSV sech elo - et ass hire Béier - ganz vill Froe stellen. Ob wa si op dee Wee gaange wieren, ob dat zum Wahlerfolleg bäigedroen hätt, ass schwéier soen. Ob alle Fal wier et eng Alternativ gewiescht fir de Wieler, déi si hinne selwer geholl hunn."

Aarmut - a Wuesstëmszuelen

Déi no ënne revidéiert Wuesstemszuelen, an datt méi Mënschen an Aarmut liewen, hätt d'Regierung scho virun de Wahle gewosst, seet de Jeff Engelen. Si hätt awer bis no de Wahle gewaart fir et ze verëffentlechen.

"An ech si mol gespaant, wat nach alles am Keller revidéiert gëtt vun hire grousse Saachen, déi si sollte gemaach hunn. Et war jo dës Woch schonn eraus komm, datt am Plaz 100.000 Leit un der Aarmutsgrenz, der elo schonn 126.000 un der Aarmutsgrenz sinn. De Wuesstem war gesot ginn op 3,5%, deen ass elo no ënne revidéiert ginn. Dat stelle si dann e Joer duerno fest, datt manner Wuesstem ass. Dat brauch bal zéng Méint éier si dat festgestallt hunn."

Hie wier gespaant wat fir aner Wourechte wärend de Koalitiounsverhandlungen nach wäerten eraus kommen, esou nach den ADR-Grënnungsmember.

An der Mediathéik:

Invité vum Dag / / Mick Entringer
Lauschteren

Méi zum Thema

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen