Lëtzebuerger Spidolswiesen "D'Aart a Weis wéi mer schaffe wäert sech änneren"

Am Centre Hospitalier Emile Mayrisch zu Esch waren den Donneschdeg de Moien 62 Covid-Patienten hospitaliséiert, 12 dovun op der Intensiv-Statioun. Domat sinn d'Réas-Capacitéiten zu engem Drëttel ausgelaascht, an déi einfach Covid-Better zu 50 Prozent beluecht. Dat seet den Dokter Serge Meyer. Hien ass de Responsabele vun der Cellule de crise am CHEM.

Maurice Molitor (Interview) / Chris Zeien (Web)

Dr Serge Meyer
Den Dokter Serge Meyer ass Responsabele vun der Cellule de crise am Centre Hospitalier Emile Mayrisch zu Esch.

Hie rechent iwwregens domat, datt nach eng ganz laang Zäit ëmmer eng gewëss Capacitéit am CHEM fir Covid-krank Leit wäert reservéiert bleiwen."Wa mer keng Well oder keng zweet Well kréien, wann de Confinement definitiv méi gelabbert gëtt, da wäerte mer awer e kontinuéierlecht Erandrëpse vu Patienten hunn, dee sech iwwer eng länger Zäit, vläicht souguer an dat nächst Joer era streckt."De Serge Meyer fäert allerdéngs, datt de Pic nach net erreecht ass. Hien traut där relativer Rou, déi am Moment ass, net.

Den Dokter Meyer rechent iwwregens domat, datt bis an dat nächst Joer era permanent eng gewëss Capacitéit am CHEM fir Covid-krank Leit reservéiert bleift.

Ännerungen um Spidolswiesen néideg

"No der Corona-Kris wäert d'Welt op ville Pläng eng aner si wéi virdrun." Dat ass e Saz, deen een dacks héiert a liest am Moment. Gëllt dat och fir d'Spideeler? Den Dokter Serge Meyer, Responsabele vun der Cellule de crise am Centre Hospitalier Emile Mayrisch zu Esch, ass der Meenung, datt de Spidols-Alldag sech duerch dës Pandemie wäert veränneren. Et misst een dovun ausgoen, datt Covid-19 net deen eenzege Covid wier, deen d'Welt wäert gesinn.

"Et ass ze fäerten, datt e sech verhält e bësse wéi de Grippevirus an ëmmer nees erëmkënnt an neie Varianten. An ech denken, datt mer eis och mussen definitiv iwwerdenken, datt déi Pandemië méi séier a méi konkret och kënnen an de Spideeler organiséiert ginn."

Hien denkt do speziell un d'Südspidol, wat net soll gebaut ginn. Senger Meenung no misst een d'Pläng heifir nach eng Kéier iwwerdenken, am Hibléck op méiglech zukünfteg Pandemien.

An der Mediathéik:

Invité vum Dag / / Maurice Molitor
Lauschteren

Méi zum Thema

Patient Klinik
Coronavirus

D'Ethik-Komiteeë vun de Spideeler hu Richtlinnen ausgeschafft fir de Fall, wou d'Intensivbetter ze knapps gi fir all Patienten ze behandelen. Et soll séchergestallt ginn, datt keen diskriminéiert gëtt.

Hänn
Prisma

Wat kann déi Kris, déi mer am Moment duerchliewen fir eis Zukunft bedeiten? De Gilles Retter versicht, fir dat, wat mer de Moment duerch déi weltwäit Coronavirus-Pandemie erliewen a Wierder ze faassen.

Programm

  • Notturno

  • On air

    Virum Dag

  • Moies-Magazin

  • Iwwer Mëtteg

  • Generatiounen

Praktesch Infoen

  • 4.6. Generatiounen

    4.6. Generatiounen

    Kiischten a Waasser, Energie am Iessen, de Roger Quaino an d'Operett "Gräfin Mariza"

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen