Immigratiounspolitik "D'Auslänner sinn eng Chance fir Lëtzebuerg"

"D'Auslänner sinn eng Chance fir Lëtzebuerg". Där Meenung waren alleguerten d'Parteien, déi véier Méint virun de Chamberwahlen, vun der Auslännerassociatioun ASTI op eng Table ronde zum Thema Migratiounspolitik invitéiert goufen. Oneens ware sech LSAP, déi gréng, CSV, ADR, déi Lénk an DP, iwwer déi automatesch Inscriptioun vun den Auslänner bei de Gemengewahlen a bei der Regularisatioun vun illegalen Awanderer.

Maxi Pesch / cz

Tabel ronde Asti.JPG
Tabel ronde vun der Asti

Et gëtt ee Konsens fir zu Lëtzebuerg bei der Integratioun vun den Auslänner weider ze kommen. Dat war eng vun de Konklusiounen op enger Table ronde vun der ASTI op där sechs Parteien dräi Froen zum Thema Immigratioun gestallt kruten a sech eng no där anerer konnt positionéieren. Eens war ee sech och, datt d'Immigratioun zu Lëtzebuerg ee komplexe Sujet wier op deem d'Politik nach vill misst schaffen.

Charles Margue: "Kee Vivre Ensemble" zu Lëtzebuerg

Fir de Charles Margue vun déi gréng a fréieren Direkter vun TNS Ilres géif et hei am Land un engem "Vivre Ensemble" feelen. "Zu Lëtzebuerg ginn et lauter kleng Welten. Communautéiten, déi sech ignoréieren." Zwielef Prozent vun de Leit géifen net gutt liewen, egal wéi eng Nationalitéit se hunn, seet de Charles Margue. Et géife Leit ginn, déi sech ee Liewen zu Lëtzebuerg net méi leeschte kéinten, anerer géife sech Luxusappartementer kafen. 2018 misst een de Bilan maachen, vun deem wat existéiert. "Jidderee seet, datt déi Diversitéit e Räichtum ass, mä et muss een déi Chance och ergräifen, well net all Mënsch lieft dëse Räichtum."

Fernand Kartheiser: Gelongen Immigratioun iwwer Sprooch, Kultur a Valeuren

Fir de Fernand Kartheiser kéint een d'Erausfuerderunge vun der Immigratioun just duerch eng gutt definéiert Integratioun an duerch Solidaritéit tëschent de Mënsche meeschteren. Fir d'ADR géif dat virun allem iwwer d'Maîtrise vun der Lëtzebuerger Sprooch geschéien. Et misst een och d'Lëtzebuerger Geschicht a Valeure kennen. "Dat sinn dräi Erausfuerderungen. Wéi kënne mir déi nei Leit, déi op Lëtzebuerg kommen dozou bréngen, eis Sprooch, Kultur a Valeuren mat eis ze deelen?", seet de Fernand Karheiser.

Franz Fayot: Net-Lëtzebuerger um politesche System deelhuele loossen

De Franz Fayot plädéiert virun allem fir Verbesserungen um Niveau vum Aarbechtsmaart fir Flüchtlingen a beim Educatiounssystem. Fir d'Net-Lëtzebuerger ze integréieren misst een hinnen d'Gefill ginn, datt si um politesche System kënnen Deel huelen, seet den LSAP Deputéierten. "Dat geschitt net all sechs Joer, andeems een ëmmer méi Net-Lëtzebuerger rekrutéiert a si op Lëschten a Plakater setzt, während engem Wahlkampf. Et muss iwwer d'Kommunikatioun a verschiddene Sprooche goen."

Maurice Bauer: Net-Lëtzebuerger fir duebel Nationalitéit encouragéieren

A genee dat hätt déi aktuell blo-rout-gréng Regierung net genuch gemaach, kritiséiert de Maurice Bauer vun der CSV. Grad nodeems d'Nationalitéitegesetz d'Lescht Joer reforméiert gouf an d'Demarchë vereinfacht goufen. "Ech weess wierklech net, ob déi aktuell Regierung och nëmmen eemol d'Auslänner dozou encouragéiert huet, fir déi duebel Nationalitéit ze adoptéieren", seet de Maurice Bauer.

LSAP, déi gréng an déi Lénk: automatesch Aschreiwung bei Gemengewahlen

D'LSAP, déi gréng an déi Lénk plädéieren fir eng automatesch Aschreiwung vun den Net-Lëtzebuerger bei de Gemengewahlen. Bis ewell muss ee wéinstens fënnef Joer am Land gewunnt hunn fir kënne wielen ze goen. "Mir si fir d'Inscription d'office. Well och esou kann een erausfannen, wéi laang d'Persoun schonn am Land lieft", seet d'Sandrine Gashonga vun déi Lénk. D'ADR, d'CSV an d'DP sinn dogéint.

DP fir zyklesch Regularisatioun

Weider Meenungsverschiddenheete gouf et beim Thema Regularisatioun vun illegalen Awanderer. Fir d'DP zum Beispill soll d'Regularisatioun net zur Regel ginn, erkläert de Gilles Baum. "Mir schwätzen vu Leit, déi wierklech vulnerabel sinn. Et soll een hinne keng falsch Hoffnung maachen." D'Regularisatioun soll op eng zyklesch Manéier gemaach ginn. 2013 wiere 600 Persoune Kandidat gewiescht, fir regulariséiert ze ginn. Zwee Drëttel goufe schlussendlech och regulariséiert, een Drëttel net.

D'CSV an d'ADR gesinn och kee Grond, elo eppes um Gesetz, dat d'Regularisatioun vun illegalen Awanderer regelt, ze änneren. Datt d'Immigratiounspolitik zu Lëtzebuerg eenzegaarteg a komplex ass, doriwwer ware sech alleguerten d'Parteien eens. Iwwer konkret Propose vun de verschiddene Parteien, kënnen d'Wieler dann am Oktober ofstëmmen.

An der Mediathéik:

Aktuelles / / Maxi Pesch
Lauschteren

Méi zum Thema

Felix Braz
Tëschebilan vum Nationalitéitegesetz

De Justizminister zitt e positiven Tëschebilan vum neien Nationalitéitegesetz. Et bräicht een awer méi Abiergerungen an e Wahlrecht fir Residenten, fir den demokrateschen Defizit ze behiewen.

Lëtzebuergesch Sproochecours
Sproochecoursen

Net-Lëtzebuerger, déi zënter 20 Joer am Grand-Duché wunnen, kënnen duerch dat neit Nationalitéitegesetz méi liicht Lëtzebuerger ginn. Am Moment géife sech vill Leit a Course fir Lëtzebuergesch aschreiwen.

Vaz do Rio-Delgado 2.jpg
Gemengewahlen

De José Vaz do Rio ass Éischtgewielten zu Bettenduerf an de Jairo Delgado gouf zu Ettelbréck an de Gemengerot gewielt. Alle béid wëllen hire Migratiounshannergrond notzen, fir d'Zesummeliewen ze fërderen.

Beeforter Buerg
Gemengewahlen

Beefort ass eng kleng Gemeng vun 2.700 Awunner. 45 Prozent dovu sinn Auslänner, dorënner ee groussen Deel Portugisen. Och Flüchtlinge liewen zu Beefort. Wéi verleeft d'Zesummeliewen an dëser Gemeng?

Ernest Walerius.JPG
Gemengewalen

D'Auslänner- an Integratiounskommissioun vu senger Gemeng géif net genuch fir Flüchtlinge maachen, seet de Buergermeeschter vu Bäerdref. Eng 150 Flüchtlinge sinn an der Weilerbaach ënnerbruecht.

Yves Schmidt
Caritas Lëtzebuerg

Caritas Lëtzebuerg geréiert eelef Foyere fir Asyldemandeure mat enger Gesamt-Kapazitéit vun 1.240 Plazen. Ronn een Drëttel vun de Platzen ass fräi, esou de Caritas-Vertrieder Yves Schmidt.

identite.jpg
Nationalitéitegesetz

D’Regierung an d’CSV si sech eens ginn iwwert eng Reform vum Nationalitéitgesetz. Den Accès zur Nationalitéit soll méi breet ginn. Den Accord orientéiert sech un der Gesetzespropositioun vum Claude Wiseler.

Laura Zuccoli.jpg
Integratioun

Ginn d'Proposë vum Justizminister der ASTI wäit genuch? Zum Deel, seet d'Laura Zuccoli. D'Presidentin vun der Auslännerassociatioun wënscht sech, datt vill Auslänner kënne Lëtzebuerger ginn

Programm

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

  • Une nouvelle application mobile « radio 100,7 »

    radio 100,7 vient de lancer sa nouvelle application pour appareils mobiles. L'appli, simple à installer et facile à utiliser, permet d'écouter le programme de la radio 100,7 en direct et en différé en puisant dans la médiathèque de la radio. 

  • Yann Logelin, nouveau chef de la programmation à radio 100,7

    radio 100,7 annonce la nomination de M. Yann Logelin au poste de chef de la programmation. Yann Logelin prendra le relais de M Claude Mangen qui, après 25 ans à ce poste, assumera la direction du Mierscher Kulturhaus à partir du 1er novembre 2018.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen