Corona-Pandemie D'Braderie a Corona-Zäiten
Fir déi betraffe Commerçanten op der Stater Braderie ze ënnerstëtzen, gouf et ausnamsweis e Braderiesweekend. D'Stänn konnten och samschdes a sonndes hir Wuere baussen opstellen. Mir waren op d'Plaz kucken.
D'Andréck vun der Plaz lauschteren
Iwwerdeems goufe wärend der Pandemie eng Rei Mesurë vun der Stad Lëtzebuerg an dem Stater Geschäftsverband ageféiert: an den Akafsstroosse si keng Iessstänn erlaabt a Visiteure wéi och d'Mataarbechter vun de Geschäfter musse sech un eng Maskeflicht halen.
D'Stëmmung war gemëscht: am Verglach mam leschte Joer wiere vill manner Leit present, bedauert eng Commerçantin. Et géif awer un Atmosphär feelen. Aner Commerçante mengen, datt et den Ëmstänn entspriechend awer eng gelonge Braderie wier.
Méi zum Thema
Zweet Well huet e staarken Impakt op Geschäfter
D'Geschäfter an der Stad géife staark ënner der zweeter Well vu Coronainfektioune leiden, seet de Guill Kaempff. Et wier dovun auszegoen, datt eng Patrie Betrieber dat net géifen iwwerliewen.
Commerce: "Déi nächst Woche gi schwéier"
D'Reouverture vun de Geschäfter wier "batter neideg" gewiescht, seet den Direkter vun der Confédération du Commerce. Den Nicolas Henckes rechent an den éischte Woche mat engem "schwéieren Ufank".
