EU-Top-Jobs "D'Demokratie huet e Coup kritt"

D'Viviane Reding huet sech wéineg zu Wuert gemellt, zanter si virun zéng Méint hire Retour an déi national Politik gemaach huet. An nach manner zanter den Europawahlen, déi jo fir hir Partei mat engem Debakel op en Enn gaange sinn. Den Interview mat hir, war laang ugefrot éier en zustane koum. Mee wéinst der (europäescher) Aktualitéit aus de leschten Deeg, ass en extra gutt gefall.

Maurice Molitor / cz

Viviane Reding
Viviane Reding

Net onbedéngt d'Nominatiounen u sech, mee d'Aart a Weis wéi se geholl gi sinn. D'Haaptschold gëtt d'Viviane Reding dem franséische President Macron. Dee géif grouss europäesch Rieden halen a just de Contraire maachen. D'Wieler wieren op jiddwer Fall ugeschmiert ginn.

"Vertrauen an d'EU beschiedegt"

"''t ass e bëssen Uschass, (...) A wat mech besonnesch schockéiert huet ass, datt eise Premier - dee jo d'Sproochrouer vum Här Macron ass - datt deen dann dat selwecht behaapt huet."

Dee Moment an deem de Macron de Spëtzekandidatesystem a Fro gestallt huet, hätt och de Xavier Bettel dee System a Fro gestallt. Duerch dat Verhale géif een d'Vertrauen, wat d'Leit an d'EU hu beschiedegen, sou d'Viviane Reding.

D'Viviane Reding wier gär mat an d'Europawahle gaangen

D'Viviane Reding geet awer dovun aus, datt d'Ursula von der Leyen a 14 Deeg vum Europaparlament confirméiert gëtt. Si mécht och keen Heel draus, datt si gär mat an d'Europawahle gaangen wier. Dat wier aus Siicht vun der CSV och "vernënfteg" gewiescht.

"Meng Partei war der Meenung, datt ee kee géif mat op d'Lëscht huelen, deen an der Chamber setzt. Dont acte. An d'Resultat hu Der jo gesinn."

De Parteipresident Fränk Engel hätt sech, mat der Decisioun just op nei Gesiichter ze setzen, verpokert.

An der Mediathéik:

Invité:e vum Dag / / Maurice Molitor
Lauschteren

Méi zum Thema

Net verpassen

  • 08.12. Klassik Live: L'enfance du Christ

    Berlioz.jpg

    De Philharmoneschen Orchester Lëtzebuerg an d'Gächinger Cantorey an der Philharmonie: De radio 100,7 iwwerdréit de Concert haut den Owend live vun 20:00 Auer un.

Programm

Dossieren

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen