Afghanistan D'Entwécklungen am Afghanistan schockéieren d'Wäisst Haus

D'USA raumen hir Ambassade zu Kabul. Den Ambassadeur ass scho fort, vill Dokumenter si schonn zerstéiert ginn. Mat der Hëllef vun dausenden amerikaneschen Zaldote sollen esou vill wéi méiglech Amerikaner aus dem Afghanistan evakuéiert ginn. Och sollen Afghanen déi mat den Amerikaner zesummegeschafft haten u Bord kommen. An der Biden-Regierung ass ee schockéiert iwwert de séiere Muechtwiessel am Afghanistan.

Philipp Crowther / cz

United States President Joe Biden, right, and US Vice President Kamala Harris met with their national security team and senior officials to hear updates on the draw down of civilian personnel in Afghanistan, evacuations of SIV applicants and other Afghan
Foto: picture alliance / Consolidated News Photos | White House via CNP

Lauschteren


Den Joe Biden mécht wat sech kee vu senge véier Virgänger getraut hat. De Réckzuch vun allen amerikaneschen Truppen aus dem Afghanistan huet dëse Muechtwiessel erméiglecht. Elo gëtt näischt méi dru geännert. Et hu souguer dausenden amerikanesch Truppen zeréck op Kabul misse geschéckt ginn, fir d'Evakuatiounen a leschter Minutt.

Duerno wäert d'amerikanesch Presenz net méi spierbar sinn. All Militärbase goufen opginn, an den internationale Flughafen zu Kabul wäert als lescht falen. Och do sinn, oder waren, amerikanesch Truppe stationéiert. An deenen nächste Stonnen hoffen all Amerikaner déi nach am Afghanistan si vun der Arméi per Helikopter an da per Fliger an d'Ausland evakuéiert ze ginn.

Dat war villäicht virauszegesi mee kaum mat dëser spektakulärer Vitess. D'Amerikaner hunn der afghanescher Arméi vertraut. Si goufe jo vun den USA a vun der NATO trainéiert an och mat Waffen equipéiert. Déi amerikanesch Waffe sinn elo an den Hänn vun den Taliban.

Eng Blamage fir d'USA an d'NATO

Eng militäresch Katastroph fir d'USA, och natierlech eng fir déi amerikanesch Aussepolitik, mee trotzdeem en Ausgang, datt d'Regierung vum Joe Biden net probéiert huet an deene leschten Deeg nach ze stoppen. Dëse President wollt dee sinn deen endlech de Krich fir d'USA op en Enn bréngt. D'Resultat ass méi schlëmm wéi erwaart mee trotzdeem gëtt näischt dru geännert.

Politesch ass et net onbedéngt eng Katastroph fir den Joe Biden. Eng Majoritéit vun den Amerikaner wollten dëse Réckzuch mee dat heescht net datt Republikaner net vun dësem Enn profitéiere wäerte fir den US-President ferm ze kritiséieren. Et ass eng Blamage fir d'USA, soen d'Republikaner, an Demokrate wäerten et net einfach hunn deem ze widderspriechen. D'Biller aus dem Afghanistan hunn och am Wäissen Haus selwer schockéiert.

Méi zum Thema

Transportflugzeuge vom Typ Airbus A400M der Luftwaffe stehen am Abend auf dem Fliegerhorst Wunstorf in der Region Hannover hinter einem Zaun. Angesichts des rasanten Vormarschs der Taliban in Afghanistan will die Bundeswehr am Montag
International

Och Däitschland huet ugefangen, seng Staatsbierger, déi nach an Afghanistan sinn, aus dem Land z'evakuéieren. Schon um Sonndeg sinn éischt Fliigeren geflunn, huet den Ausseministère matgedeelt.

Net verpassen

  • 23.10. Riicht eraus mam Marc Giorgetti

    RiichtEraus_MarcGiorgetti_horizontal.jpg

    Mam President vum Groupement des Entrepreneurs geet et ëm d'Wunnengskris, déi geplangte Grondsteierreform a säi professionelle Parcours als Bauentrepreneur.

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen