Gemengewalen CNFL: "D'Frae ginn an der Politik gebraucht"

2023 ass e Waljoer. De Conseil National des femmes - de CNFL - wëllt am Virfeld fir méi Presenz vu Fraen an der Politik sensibiliséieren a wëllt d'Fraen och encouragéieren sech ze engagéieren. "Et ass net einfach Fraen ze fannen", seet d'Claudine Speltz vum CNFL - an dofir géifen et vill Ursaache ginn.

Sophie Morang / cbi

Claudine Speltz
D'Claudine Speltz ass President vun der CNFL. Foto: Keven Erickson

De ganzen Interview lauschteren


De CNFL huet elo e Froebou un déi politesch Parteie geschéckt - heirobber solle si detailléieren, wat si maache fir zu enger besserem Equiliber tëschent de Geschlechter ze kommen.

"E wierkleche Changement awer brauch Zäit", seet d'Claudine Speltz - Presidentin vum CNFL. Et misste Mentalitéiten änneren, e bëssen och eis Kultur an dat géif eebe lues goen.

D'Claudine Speltz seet, et géif de Fraen dacks un Selbstbewosstsi feele fir sech wëlle politesch ze engagéieren: si hätten Angscht net genuch ze wëssen. Dacks wieren se awer och esou belaascht mat Beruff a Famill, dass se sech net nach eng Aufgab an der Politik wéilten oplueden.

D'Frae gi gebraucht!

De Fraen hir Roll an der Politik wier essentiell - esou d'Claudine Speltz. Et misst geléngen, dee Message eriwwer ze bréngen.

De CNFL huet zwar och dee kee Wonnermëttel, mengt awer, et sollt een dru schaffen, datt Männer a Fraen sech all méiglech Tâchë gläich opdeelen, esou datt d'Fraen domat méi Fräiraum kréie fir e politescht Engagement.

Méi zum Thema

Gläich Bezuelung
Egalitéit vun de Genren

Frae verdéngen an der EU nach ëmmer 14 Prozent manner wéi Männer. Eng nei Direktiv soll deen Ecart méi kleng maachen. Et gëtt awer Sträit doriwwer, wéi eng Entreprisë fir méi Transparenz suerge mussen.

Michèle Cloos
Grouss Ennerscheeder bei Pensioune vu Fraen a Männer

Frae kréie bei eis 44 Prozent manner Pensioun ewéi Männer. Et ass deen déifste Gruef an der EU, seet eng rezent Etüd vun Eurostat. Iwwer Ursaachen a Léisungen, schwätzt d'Michelle Cloos vum OGBL.

Net verpassen

Programm

Dossieren

  • Gemengewalen 2023

    Den 11. Juni gëtt an de verschiddene Gemenge vum Land en neie Gemengerot gewielt. Wéi eng Sujete dominéieren d'Wal a wéi verleeft de Walkampf an de vereenzelte Gemengen?

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen