Filmsecteur "Dat ass schonn eng Success story"

De Paul Thiltges bedauert, datt vill iwwer de Fonctionnement vum Filmfong diskutéiert gëtt. A ganz Europa géife Filmer subventionéiert ginn. Lëtzebuerger Filmer wiere gutt a géife vill Präisser gewannen.

Maurice Molitor (Interview) / Claude Biver (Web)

Paul Thiltges
De President vum Verband vun de Lëtzebuerger Filmproduzenten Paul Thiltges

De Film ass wuel e wirtschaftleche Secteur, awer net am klassesche Sënn. En ass och eng kulturell Aktivitéit, bei där et net dat virrangegt Zil ass, Benefice ze maachen oder d'Käschte vun der Produktioun eranzespillen. Dat wier nämlech op engem klenge Marché guer net méiglech, sot de Paul Thiltges, de President vum Verband vun de Lëtzebuerger Filmproduzenten.

Sue kréien ass net d'Zil vum Filmmarché

Um Beispill vum Film "Superjhemp", deen um däitsche Marché héichgerechent Milliounen eragespillt hätt, huet hien illustréiert, datt esou eppes an engem klenge Land wéi Lëtzebuerg trotz dem Rekord vu méi wéi 60.000 Kinosentréeën net méiglech wier.

Am Filmmarché wier et net einfach och am Ausland Succès ze hunn, wann een op Lëtzebuergesch wéilt schaffen. "Mir wëllen eng Mémoire collective hunn, mir wëllen Documentairë maachen." Et kéint een dann net mat der Demarche erugoen, datt ee wéilt Suen erakréien.

De Paul Thiltges ënnersträicht, datt de Film a ganz Europa subventionéiert gëtt, genee wéi den Theater och. Zu Lëtzebuerg géif ee manner mat Staren zesummeschaffen an dofir misst ee virsiichteg sinn, an et dierft een net soen, datt de Lëtzebuerger Film kee Succès hätt. Et misst een et anescht moossen: D'Lëtzebuerger Filmindustrie wier op de Festivale gutt, et géif een Oscaren a Césaren an aner Präisser gewannen. Dat wier eppes Aussergewéinleches, ënnersträicht de Paul Thiltges. "Dat ass schonn eng Success story a mir sinn e bëssen traureg, datt op eemol deen anere Volet esou staark erakënnt."

"Et gi scho Kontrollen"

An der aktueller politescher Diskussioun iwwer de Fonctionnement vum Filmfong sinn d'Produzenten ugegraff ginn, wéinst den Hëllefen, déi si kréien. D'Fro ass opgeworf ginn, ob si déi Suen ëmmer esou ausginn, wéi dat geduecht war. Dofir sollen d'Produktiounsgesellschaften elo nach méi streng kontrolléiert ginn.

De Wonsch, méi Kontrollen ze maachen, kënnt fir de Paul Thiltges aus der Suppositioun, datt de Filmsecteur Beneficer géif maachen, mee hir Hëllefen net géif zeréckbezuelen. Esou Kontrolle géifen et awer scho ginn, ënnersträicht de Paul Thiltges: "Och wann de Premier gesot huet, elo géif nach méi staark Gesellschafte kontrolléiert ginn, dat ass elo schonn e bëssen oder souguer e bësse vill de Fall".

Et misst een awer oppassen, datt déi administrativ Aarbecht net Iwwerhand hëlt. Bis elo hätt hie keng Abuse gesinn, seet de President vum Verband vun de Lëtzebuerger Filmproduzenten. De Paul Thiltges bedauert, datt an der Ëffentlechkeet wéinst Viruerteeler a Manktem u Wëssen e falschen Androck géif entstoen iwwer déi Suen, déi de Filmfong vergëtt. Hie kéint awer och verstoen, datt Froe gestallt ginn - zum Beispill doriwwer, a wéi wäit eventuell Profitter vu subventionéierte Filmer, dem Gesetz no, zeréck un de Filmfong bezuelt ginn.

An der Mediathéik:

Invité vum Dag / / Maurice Molitor
Lauschteren

Méi zum Thema

Filmset
Audit Filmfong

D'Cour des Comptes soll ee Spezial-Rapport iwwer de Filmfong maachen. Doriwwer si sech d'Membere vun der Budgetskontrollkommissioun an der Chamber eestëmmeg eens ginn. D'Modalitéite bleiwen awer ze klären.

Xavier Bettel a Guy Daleiden
Lëtzebuerger Filmindustrie

Den Interessekonflikt, deen de Félix Eischen a senger parlamentarescher Fro iwwer Irregularitéite beim Lëtzebuerger Filmfong nennt, wier schonn 2017 behuewe gewiescht. Esou steet et am Audit, deen awer eng Rei Problemer nennt.

Programm

  • Notturno

  • On air

    Virum Dag

  • Moies-Magazin

  • Iwwer Mëtteg

  • Resonanzen

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen