Google-Datenzenter Datenzenter: Google kéint Projet nom Summer virstellen

Google huet bis haut nach net offiziell annoncéiert, datt den Internetkonzern op sengem Terrain zu Biissen wäert bauen. Eng Task force, zesummegesat aus engem interministerielle Grupp an der Gemeng, géif awer schonn um Projet schaffen, seet de Buergermeeschter vu Biissen.

Mick Entringer / cz

Jos Schummer
De Jos Schummer ass CSV-Buergermeeschter vu Biissen

All déi betraffen Acteure géife sech an engem Intervall vu fënnef bis sechs Woche gesinn, sou de Jos Schummer. Dat kann den Inneministère sinn, d'Naturverwaltung, de MDDI, d'SEBES, d'Waasserwirtschaftsamt, Ponts et Chaussées, der Creos a Google selwer, déi Leader vum Projet sinn, seet de Buergermeeschter vu Biissen. "Dat kënnen eng Kéier sechs Leit sinn, eng Kéier zéng. An déi schwätze reegelméisseg."

Enn 2019 kéinten déi kommunal Prozeduren all ofgeschloss sinn, mengt de Jos Schummer. A véier bis fënnef Méint kéint den zweete Vott vum PAG duerchsinn. Google géif säi Projet dee Moment méi konkret virstellen.

Den Donneschdeg hat Google annoncéiert fir zu Charleroi en Datenzenter ze bauen. Dat géif de Lëtzebuerger Projet awer net a Fro stellen. "Et sinn héchstens mir Lëtzebuerger, déi Projeten a Fro stellen", seet de Jos Schummer. Google géif all Joer eng Rei Datenzentere bauen an "Do wou se kënne bauen, fänken si u mat bauen. Wa mir nach zéng Joer iwwer Dommheete streiden, jo an deenen zéng Joer bauen si näischt".

D'Waasser, dat benotzt soll gi fir d'Computeren am Datenzenter ze killen, soll aus der Uelzecht geholl ginn, fir Noutfäll soll zousätzlech eng Drénkwaasserleitung vun der SEBES geluecht ginn.

An der Mediathéik:

Invité vum Dag / / radio 100,7
Lauschteren

Méi zum Thema

google.jpg
Data Center

Domat soll d'Fläch vu ronn 35 Hektar, als "zone spéciale Data Zenter" klasséiert ginn. Deemno dierft just een Data Zenter sech do nidderloossen. Kritik gouf et, well eng Partie Froen nach op stinn.

Google
Datenzenter

De Gemengerot zu Bissen wëllt nach am November iwwer d'Ëmklasséierung vum Terrain, op deem Google sech wëll nidderloossen ofstëmmen. Dat seet de Buergermeeschter vu Bissen op Nofro hin.

Pia Oppel Kommentar
Dateschutz

Sozial Netzwierker oder Sichmaschinne kann een als essentiell Servicer gesinn, déi zu Monopoler tendéieren. Eng méi strikt ëffentlech Kontroll kéint d'Äntwert sinn, mengt d'Pia Oppel.

google.jpg
Digital Ekonomie

D'Pläng fir en Datacenter vu Google an der Gemeng Biissen wäerte sech 2018 konkretiséieren. Enger gutt informéierter Source no ass déi prinzipiell Decisioun fir de Bau vun engem Datacenter gefall.

Pierre-Gramegna-Eurogroupe-Tallinn
Steierpolitik

Internet-Entreprisë wéi Google a Facebook sollen an der EU an Zukunft op Basis vum Ëmsaz an net vum Profit besteiert ginn. Dofir setzen sech eng Rëtsch EU-Länner an. Lëtzebuerg ass awer skeptesch.

Bei Google zu Mountainview, Kalifornien Exklusiv
Datacenter zu Biissen

De Site, dee Google fir de Bau vun engem Datacenter virgeschloe krut, ass eréischt ganz rezent op den Dësch komm. Hannergrënn iwwer en Dossier, an deem op eemol alles huet misse ganz séier goen.

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen