Arméigewerkschaft "De Christian Schleck ass net strofversat ginn"

Et wier richteg, datt den SPAL-President Christian Schleck am Dokument vu sengem Entretien individuell festgehalen hätt, datt hien net Demandeur fir en neie Posten wier, seet de Chef d'État-Major Alain Duschène. Den Christian Schleck wier awer net strofversat ginn, wiert den Alain Duschène sech géint d'Virwërf vun der Arméigewerkschaft an hirem Daachverband SPFP.

Michèle Sinner / cbi

Alain Duschène
De Chef d’État-Major Alain Duschène. Foto: Archiv

Ausléiser fir seng Versetzung wier, datt d'Arméi de Christian Schleck am Rekrutementsbureau duerch méi jonk Mataarbechter wéilt ersetzen, well déi Leit, déi se rekrutéiere sollen, och jonk sinn.

De Christian Schleck hätt och an engem Mail säin Interessi um Posten am Bureau d'ordre auxillière (BOA) an der Stad ugemellt an dat och an engem Telefonsgespréich mam zoustännege Colonel aus dem Personalbureau confirméiert. Well deen neien Organigramm vun der Arméi eréischt den 9. Dezember vum Minister ënnerschriwwen gi wier, géif déi formal Prozedur fir d'Versetzung haut eréischt ugoen.

Den Christian Schleck hätt elo bis den 24. Dezember Zäit, seng Observatiounen eranzeginn. Dono géif gekuckt ginn, ob se zoulässeg wieren oder net. Wann net, géif de Minister en Arrêté huele fir de SPAL-President an den BOA se versetzen.

Den Alain Duschène seet iwwerdeems, datt Leit aus alle Räng an och Zivilpersonal hie géife froen, net ze demissionéieren. Et géif och eng Ënnerschrëftenaktioun an deem Sënn ënner de Mataarbechter lafen.


De ganzen Interview mam Alain Duschène

Méi zum Thema

Pascal Ricquier, Christian Schleck, Marc Kohnen
Gewerkschaft

D'CGFP wëllt am Fall Christian Schleck virun déi international Aarbechtsorganisatioun vun der Uno zéien. Dat sot de President Romain Wolff op der Conférence des comités vun der Staatsbeamtegewerkschaft.

Christian Schleck SPAL Exklusiv
Arméi a Force publique

Néng Membere vun der Arméisgewerkschaft SPAL, dorënner de Generalsekretär, hunn eisen Informatiounen no hir Demissioun agereecht: si hätte kee Vertraue méi an de President vum SPAL an a seng Methoden.

Net verpassen

  • Offre d'emploi: Journaliste-présentateur/trice

    radio 100,7

    L'Établissement de Radiodiffusion Socioculturelle, opérateur de la radio de service public radio 100,7, recherche Un/e Journaliste-présentateur/trice sous contrat à durée indéterminée et à tâche complète (40h/semaine).

Programm

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen