Fräie Mikro De globale Migratiouns-Pakt

Theme wéi Migratiounen oder Flüchtlinge ginn ëmmer méi vu rietse Politiker mëssbraucht fir friemefeindlech a mënscheveruechtend Iddien ze verbreeden, mengt d'Laura Zuccoli am Fräie Mikro.

Laura Zuccoli / cz

Meenung Laura Zuccoli
Laura Zuccoli

Haut, Donnëschdeg ass an der Chamber den Hearing iwwer de Migratiouns-Pakt, deen am September 2016 vun der UNO ausgehandelt gouf an deemools vun 193 Memberlänner vun der UNO ënnerstëtzt gouf.

Doranner sti leider nëmme Recommandatiounen, an deenen ënner anerem de Migranten - déi net ënner d'Genfer Flüchtlingskonvention falen - Mënscherechter zougesprach solle ginn. D'UNO wollt esou eng Äntwert ginn an der Problematik vun den Migratiounsstréim, dem Mënschenhandel an der illegaler Migratioun.

Siwen EU Länner wëllen elo dëse Pakt net méi droen. Dat sinn Éisträich, Ungarn, Polen, Bulgarien, Slowakei, Tschechien an Italien. Bei eisen Noperen an der Belsch huet Diskussioun iwwer dëse Pakt héich Welle geschloen. Riets Politiker hunn et fäerdeg bruecht bis an d'Häerz vun eisen Demokratië Behaaptungen ze verbreeden, déi falsch a polemesch sinn, déi e Klima vun Angscht a Friemenhaass schafen. Hir Argumenter entspriechen net den Tatsaachen. De Pakt gëtt higestallt wéi eng Beschneidung vun den nationale Rechter vun de Staaten an hirer Migratiounspolitik. Hie soll all Grenze verwëschen, obwuel eng ganz Rei Recommandatiounen dran sti fir Baussegrenzen ofzesécheren. De Pakt fuerdert Länner op, sech op minimal Garantië fir de Schutz vun den Migranten ze eenegen.

Battere Nogeschmaach bleift

Och wann déi meeschte Länner elo de Pakt den 10. an den 11. Dezember a Marokko ënnerschreiwe wäerten, bleift e battere Nogeschmaach. Déi ganz Debatt normaliséiert den Zynismus, mat deem mir d'Froen am Ëmgang mat Migranten a Flüchtlingen uginn. Dobäi leeft dës Diskussioun op Basis vun Impressiounen a Ressentimenter an net mat rationalen Argumenter. Vill Länner hunn an hire Parlamenter fir d'Unhuele vum Pakt gestëmmt, mam Haaptargument, datt dëse jo souwisou net bindend an also fir d'Kaz ass. Hoffentlech gëtt dat net och d'Haaptargument am Hearing bei eis.

De Weste ka guer net ouni Migratioun funktionéieren, Lëtzebuerg ass dofir e liewegt Beispill. Mat ronn 22.000 Mënschen, déi all Joer nei op Lëtzebuerg kommen a mat bal 50 Prozent Net-Lëtzebuerger a senger Bevëlkerung ass Lëtzebuerg en Immigratiounsland par Excellence, dat vill vun der Migratioun profitéiert. Wien identitär an nationalistesch Téin uschléit, gräift d'Basis vun eiser Demokratie un a verbreet e Message, deen de Contraire ass vun deem, wat eis Gesellschaft de Migrante weist.

Verantwortung gëtt iwwerholl

D'Zivilgesellschaft hellt seng Verantwortungen an Integratiounsfroen. Esou zum Beispill d'Initiativ Oppent Haus, wou méi wéi 60 Flüchtlinge vun Famillen, déi an eisem Land wunnen, opgeholl goufen. An der ganzer Schwäiz huet eng ähnlech Initiativ am selwechten Zäitraum 130 Leit en Doheem verschaaft. Op d'Bevëlkerung ëmgerechent sinn dat der bei eis 15 Mol méi! Bravo Lëtzebuerg!

Ech erwaarde mir vun eisen Deputéierten, datt si sech kloer zu de mënscherechtlechen Recommandatiounen am UNO Migratiouns-Pakt bekennen an op där Basis diskutéieren. Wann d'Migratiounsdebatt op reng Argumenter vun An- an Ofgrenzung reduzéiert gëtt, verschwannen d'Rechter vun de Migranten hanner de Lige vun de Populisten. An et si virun allem och eis eege Valeuren, déi mir domadder verroden.


Mam Zil, déi ëffentlech Debatt ze fërderen, invitéiert de radio 100,7 am Fräie Mikro Leit aus der Zivilgesellschaft fir aktuell Themen ze kommentéieren. De Fräie Mikro spigelt reng d'Meenung vu sengem Auteur erëm.

An der Mediathéik:

Fräie Mikro / / Laura Zuccoli
Lauschteren

Méi zum Thema

Flüchtlingsheim Trier
Anwohner will notfalls klagen

Die Stiftung Kreuznacher Diakonie will in Trier ein Haus für Flüchtlingskinder einrichten. Insgesamt zehn Kinder und Mädchen bis 17 Jahre sollen dort leben. Aber die Anwohner sind dagegen.

Xavier Bettel um Sommet
EU-Sommet

D'EU misst d'Iddi vu Flüchtlingsquoten definitiv fale loossen, seet de Sebastian Kurz. E Präis fir Refugiéen auszerechnen an de Staaten d'Méiglechkeet ze gi fir sech kënne fräi ze kafen wier déi falsch Léisung, seet de Xavier Bettel.

Jean-Claude Juncker EU-Sommet 18 Okt 2018
Brexit-Verhandlungen

Bei de Brexit-Verhandlunge ginn et nach net genuch Fortschrëtter. Dat gouf de Mëttwoch den Owend um EU-Sommet zu Bréissel festgestallt. Ob a wa jo wéini et ee Brexit-Accord gëtt, ass fir de Moment nach ëmmer net gewosst.

Danièle Weber Analys
Chamberwahlen 2018

Iwwer d'Migratiounspolitik gëtt den Ament am meeschten an der EU gestridde gëtt. Wéi eng Léisunge gesinn d'Lëtzebuerger Parteien? Wat sinn hir Iddien a wéi eng Positiounen huele si an?

Laurent Moyse Meenung
Fräie Mikro

Europa deet sech schwéier mat der Flüchtlingsfro: Si polariséiert, suergt international fir Opreegung, gëtt fir innepolitesch Zwecker mëssbraucht. "Wéi laang musse mir deem Zirkus nach nokucken", freet de Laurent Moyse.

Sebastian Kurz
Politik

Dësen EU-Sommet markéiert ee Revirement an der EU-Politik. An de Konklusiounen huet sech de Langage vun enger méi repressiver Migratiounspolitik duerchgesat. Et ass awer zimlech onkloer, wéi eng vun de Mesurë jeemools wäert ëmgesat ginn.

Jean-Claude Franck Analys
Politik

Den EU-Sommet vu virum Weekend huet et gewisen. Et geet net méi ëm d'Asypolitik, mee ëm d'Zukunft an den Zesummenhalt an der Europäescher Unioun.

Refugiéën bei Moria op Lesbos
EU-Sommet

Et gëtt e Rietsruck an der EU-Migratiounspolitik. Et geet manner ëm d'Ëmverdeelung vu Refugiéen, dofir méi ëm d'Protektioun vu Baussegrenzen. Een Haaptzil schéngt et ze sinn, datt esou manner Refugiéë kommen.

Yves Schmidt
Lëtzebuerger Flüchtlingsrot

An enger Classe d'accueil léiere mannerjäreg Flüchtlinge "guer näischt", seet den Yves Schmidt vum Flüchtlingsrot. Et sollt ee si dofir esou séier wéi méiglech an déi normal Schoul goe loossen.

VuOnline.jpg
Bundestagswahl 2017

Net just fir déi däitsch Populatioun, mee och an de Wahlprogrammer ass d'Migratioun dat wichtegst Thema bei der Bundestagswahl. Dat hätten d'Parteien net misse maachen, seet d'Journalistin Vanessa Vu.

Digital Inclusion
Digital Inclusion

En Informatiker wollt Flüchtlinge beim Accès zum Internet verhëllefen. Aus engem spontane Gefale gouf ee Projet, dee Welle schléit. D'Zil ass et, datt jiddereen zu Lëtzebuerg ee Computer kann hunn.

Christa Brömmel.JPG
Weltfraendag

Um Internationale Fraendag hu mir mat der Christa Brömmel vum CID-Fraen an Gender geschwat. Den Internationale Fraendag steet dëst Joer am Zeeche vu Preventioun géint Gewalt géintiwwer Fraen op der Flucht.

Programm

  • Spektrum

  • On air

    Noriichten

  • Ënnerwee

  • Panorama

  • Ënnerwee

Dossieren

  • Mënscherechter

    Den 10. Dezember 1948 sinn zu Paräis déi universell Mënscherechter deklaréiert ginn. Um 70. Joresdag vun dëser Deklaratioun steet de Programm vum radio 100,7 ganz am Zeeche vun de Mënscherechter.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Offre d'emploi: Directeur général (M/F)

    L'Etablissement de Radiodiffusion Socioculturelle, opérateur de la radio de service public radio 100,7, recherche un directeur général (m/f)

  • Communiqué du Conseil d’administration du 100,7

    Le Conseil a décidé de créer un comité de transition présidé par Mme Nancy Braun pour la période du 15/12/2018 jusqu'à l'entrée en fonction du nouveau Directeur (m/f). Mme Michèle Vallenthini est nommée suppléante.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen