EU-KOMMISSIOUN De Jean-Claude Juncker behält ee Bureau am Berlaymont

De Jean-Claude Juncker ka weider ee Büro am Kommissiounsgebai zu Bréissel notzen, och nodeems hien net méi President vun der Kommissioun ass. Déi Reegel ass nei, si gëllt fir fënnef Joer.

Danièle Weber (Bréissel) / cbi

Fändele vun der EU virum Berlaymont-Gebai
Fändele vun der EU virum Berlaymont-Gebai. Foto: EU / Etienne Ansotte

De Jean-Claude Juncker kritt ee Büro am Gebai vun der Europäescher Kommissioun, vun deem Dag un, wou hien net méi President vun där Institutioun ass. Dat huet d'Spriecherin vun der Kommissioun, Mina Andreeva, dësem Radio confirméiert.

Weiderhin als "Ambassadeur fir d'EU" optrieden

"Amplaz elo all kéiers Ad hoc-Léisungen ze fannen, wann ee fréiere Kommissiounspresident am Gebai ass an ee Raum brauch, mécht et Sënn, ee permanente Büro zur Verfügung ze stellen", sou d'Mina Andreeva. Dee fréiere President sollt jo och weiderhin als "Ambassadeur fir d'EU" optrieden.

Déi Reegel ass nei a gëllt fir fënnef Joer. De Collège vun der aktueller Kommissioun huet nämlech decidéiert, datt vun elo un all Kommissiounspresident fënnef Joer laang ee Recht op säin eegene Büro an der Kommissioun huet. Fréier EU-Kommissären hunn hirersäits een Urecht op ee "bureau de passage", dee si sich deelen.

Anere logistesche Support

De Kommissiounspresident kann no senger Amtszäit temporär och op aner Servicer vun der Kommissioun zeréckgräifen. Dozou gehéiert ee Sekretariat oder Transportméiglechkeeten.

Sou wäit et méiglech wier, géif him een Auto mat Chauffer zur Verfügung gestallt, wann hien un offiziellen Evenementer deelhëlt, an zum Beispill als Riedner op enger Konferenz optrëtt, seet d'Mina Andreeva. Déi misst allerdéngs och a Relatioun mat senger fréierer Tâche als Kommissiounspresident ze dinn hunn.

Dem Jean-Claude Juncker säin neie Büro ass um aachte Stack am Berlaymont, d'Kommissären an de Kommissiounspresident hunn hir Büroen traditionell um 13. Stack an deem Gebai.

Méi zum Thema

Goulard
NEI EU-KOMMISSIOUN

D'Sylvie Goulard ass duerch den Hearing gefall. De Vott vum Europaparlament ass och een Anti-Macron-Vott. E bedeit och, datt déi nei EU-Kommissioun wahrscheinlech net den éischten November untriede kann.

Big Crunch - Euranet Plus Presidential Debate with European Commission presidential candidates.
#EuranetPlusSummit2019

Den Nach-EU-Kommissiounspresident Jean-Claude Juncker zitt e Bilan vun der Aarbecht, déi d'EU-Kommissioun déi lescht fënnef Joer geleescht huet an hie stellt sech de Froe vum Reseau Euranet Plus.

Programm

  • Papperlapop - Itasca

  • On air

    The Benny Brown Show

  • Notturno

  • Notturno

  • Virum Dag

Net verpassen

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • Kuriositéiten aus der Lëtzebuerger Sprooch

    Si oder hatt? Zwee oder zwou? Domat oder domadder? Lëtzebuergesch ass och fir Mammesproochler net ëmmer einfach. Mir ginn der Saach op de Fong.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen