CSV-Parteispëtzt De Marc Spautz hält als CSV-President op

De Marc Spautz hält als CSV-President op. Dat huet hien de Moien op RTL ugekënnegt. Hie wéilt de Posten net nach fir zwee weider Jore blockéieren, mee eng nei Equipe soll direkt kënnen ufänke fir fënnef Joer Zäit ze hu fir bis bei déi nächst Chamberwahlen Akzenter ze setzen, erkläert de Marc Spautz am 100,7-Interview.

Serge Kesseler / cz

Marc Spautz
Marc Spautz

Op d'Fro, ob dës Decisioun seng perséinlech Konsequenz aus dem CSV-Wahlresultat vum 14. Oktober ass, huet de Marc Spautz gesot, et misst een esou éierlech sinn, an deene Leit d'Méiglechkeet gi fir "eppes anescht ze maachen". Gläichzäiteg weist de Marc Spautz op säi gutt perséinlecht Resultat hin.

Wie säi Favorit ass fir de 26. Januar 2019 säin Nofolger als CSV-President ze ginn, wollt de Marc Spautz de Moien net soen. Fir hie wier et awer wichteg, datt seng Partei e soziale Profil géif behalen, an datt et net zu engem Rietsruck kéim.

De Marc Spautz ass zanter Ufank 2014 CSV-Parteipresident. Hien hätt fir e weidert Mandat vun zwee Joer kënne kandidéieren.


De Marc Spautz am Interview beim Serge Kesseler:

Lauschteren

Méi zum Thema

Marc Spautz Exklusiv
CSV-Parteispëtzt

Wann et bei der CSV méi Kandidate fir d'Poste vum Parteipresident a vum Generalsekretär ginn, da sollen Hearingen an de véier Bezierker organiséiert ginn. Dat seet de Marc Spautz am 100,7-Interview.

Laurent Zeimet, Marc Spautz, Claude Wiseler, Martine Hansen
Chamberwahlen 2018

Bei der CSV goufen den Dënschdeg den Owend nach keng personell Entscheedungen ugekënnegt. Eréischt wann eng nei Regierung steet, géifen definitiv Personalentscheedunge geholl ginn. Dat sot de Claude Wiseler nom Nationalrot.

Serge Wilmes
Chamberwahlen 2018

De Serge Wilmes ass prett Verantwortung an der CSV ze iwwerhuelen, fir den Erneierungsprozess vun der CSV "aktiv mat an d'Hand ze huelen". D'Martine Hansen soll wëlle Fraktiounscheffin ginn.

Wiseler Spautz.jpg
Chamberwahlen 2018

Wou d'Rees hi geet, dat wëllt de Claude Wiseler dem CSV-Nationalrot den Dënschdeg den Owend soen. Dee Moment géif hien och d'Ëffentlechkeet "net nëmme prinzipiell, mee och ganz am Detail", informéieren.

Jean-Claude Franck
Chamberwahlen 2018

Et gouf Stëmmeverloschter fir d'CSV, d'LSAP an d'DP, zu Gonschte vun déi gréng, de Piraten an och der ADR. Dat ass de Resumé vun de Chamberwahlen. De radio 100,7-Chefredakter Jean-Claude Franck analyséiert.

Claude Lamberty, Carole Dieschbourg, Laurent Zeimet, Alex Bodry
Chamberwahlen 2018

D'Dräier-Koalitioun kann arithmetesch weidergefouert ginn. D'Spëtzepolitiker vu Blo-Rout-Gréng hu sech dofir ausgeschwat, d'Parteigremie mussen nach zoustëmmen. Wéi geet et virun no de Wahlen?

Programm

Net verpassen

  • Offre d'emploi: Un(e) rédacteur(rice) web

    Webjournalist

    L'Etablissement Public de Radiodiffusion Socioculturelle recrute, pour entrée immédiate ou à convenir, Un(e) rédacteur(rice) web sous contrat à durée déterminée pour une durée de 12 mois et à temps plein.

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen