Logement "De Marché muss gebrach ginn"

Den Direkter vun der "Agence immobilière sociale" fuerdert gedeckelt Loyeren an d'Zwangsverpachtung vun Terrainen, fir déi héich Logementspräisser an de Grëff ze kréien. D'AIS geréiert 366 Wunnenge vu Proprietaire fir Leit mat niddrege Revenuen.

Mick Entringer / ys

Gilles Hempel
Gilles Hempel

"Mir schätzen, datt am Land 10.000 bis 20.000 Wunnengen dauerhaft eidel stinn", seet de Gilles Hempel. Dat wiere Wunnengen, wou Proprietairë frou sinn, wann d'AIS sech drëm géing këmmeren. Déi Proprietairë wéilten net op den éischte Wunnengsmaart goen.

Während dräi Joer kréien d'Locatairë bei der AIS d'Méiglechkeet, fir sech finanziell ze stabiliséieren, fir duerno um éischte Wunnengsmaart e Logement ze fannen. Eng Zwee-Zëmmer-Wunneng kascht bei der AIS ëm 750 Euro de Mount - egal wou een am Land wunnt. Dat ass bis zu zwee Drëttel méi bëlleg, wéi um reguläre Marché.

Iwwert 1.000 Famillen op der Waardelëscht

D'Agence immobilière sociale geréiert aktuell 366 Wunnengen, an deenen 1.300 Persoune liewen. Op der Waardelëscht vun der AIS sinn zousätzlech 1.000 Famillen ageschriwwen. "Et sinn nach vill méi Leit, déi eng Wunneng brauchen, an net nëmmen déi Schwächst", seet de Gilles Hempel.

Dernieft huet d'AIS d'Gestion vum Parc vun de "Logements de 2e phase" vum OLAI iwwerholl. Dat sinn eng 70 Wunnenge fir Flüchtlingen, déi de "Statut de protection internationale" kritt hunn.

Zu Lëtzebuerg si just zwee Prozent vum Wunnengsmaart soziale Wunnraum, seet de Gilles Hempel. An anere Länner léich dee Prozentsaz vill méi héich - bei 10, 20 an esouguer 30 Prozent. Et misst een Effort gemaach ginn, fir vill méi an de "Locatif social" z'investéieren, seet den Direkter vun der AIS.

"Interventionismus" um Wunnengsmaart

D'Loyerspräisser misste gedeckelt ginn, seet de Gilles Hempel. Doriwwer eraus wier d'Situatioun um Wunnengsmaart esou schlëmm, datt een net méi toleréiere kéint, datt grouss Proprietairen hir Terrainen als Finanzprodukt benotzen. Dat wär awer aktuell de Fall.

Dem Gilles Hempel no missten Zwangsverpachtungen agefouert ginn - e Genre Bail emphytéotique, mat deene Proprietairë gezwonge ginn, fir hir Terrainen op de Marché ze bréngen. Op deenen Terraine géifen da Wunnenge gebaut ginn, an d'Proprietairë géifen e Loyer kréie fir den Terrain.

"Ouni Tabu muss all Méiglechkeet diskutéiert kënne ginn", seet de Gilles Hempel.

An der Mediathéik:

Invité vum Dag / /
Lauschteren

Méi zum Thema

Max Hahn
Klimabank

Mam Aféiere vun enger Klimabank wëllt d'Regierung d'Albausanéierung fërderen. Et ass keng Bank, mee eng Partnerschaft tëscht dem Staat a Bankinstituter, erkläert de Gesetzrapporter Max Hahn.

Risiko Immobilie-Marché
Immobiliemarché

Den EU-Systemrisiko-Rot warnt Lëtzebuerg. Déi héich Immobiliepräisser an d'Verschëldung kéinten ee Risiko duerstellen. D'Situatioun wier gréisstendeels ënner Kontroll, reagéiert d'Politik.

immobilien.jpg
Risikofacteur Immobilien

Vum Immobiliesecteur hei am Land kéint ee méigleche systemesche Risiko ausgoen. Dat schreift de Comité du risque systémique a sengem alleréischte Rapport, deen eis virläit. Et gëtt eng Analys gemaach.

Programm

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen